English | عربی | Kurdî دواهەواڵ
ڕاستەوخۆ  
 
سێنتەرەکانى یەکسانى جێندەرى لە زانکۆکانى کوردستان پەرەیان پێدەدرێت
2020-10-06 [06:09 AM]

ZNA - هه‌ولێر


 

وەزارەتی خوێندنی باڵا له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، ئەمڕۆ سێشەمە ڕێکەوتى (٦/١٠/٢٠٢٠) د. ئارام محمد قادر وەزیرى خوێندنى باڵا و توێژینەوەى زانستى پێشوازیکرد لە د. نەزەند بەگیخانى ڕاوێژکارى سەرۆکى هەرێم بۆ کاروبارى یەکسانى جێندەرى و خوێندنى باڵا.

 

لە کۆبونەوەیەکدا کە هەریەک لە ڕاوێژکارو بەڕێوەبەرانى گشتى وەزارەت و سەرۆک و ئەندامانى لێژنەى باڵاى یەکسانى جێندەرى لە وەزارەتى خوێندنى باڵا ئامادەیبون، لە وتەیەکدا وەزیرى خوێندنى باڵا و توێژینەوەى زانستى باسى لە پلان و بەرنامەى کارى وەزارەت کرد بۆ دیدگاى یەکسانى جێندەرى و ئەو کارو چالاکییانەى لە سێنتەرەکانى یەکسانى جێندەرى لە زانکۆکان دەکرێت خستەڕو، بەو پێیەى پرسى یەکسانى جێندەرى لە وەزارەتى خوێندنى باڵا جێگەى بایەخ و گرنگیە. بۆ ئەمەش پشتیوانى تەواوى بۆ کارەکانیان خستەڕو.

 

لەلایەن خۆشیەوە د. نەزەند بەگیخانى ڕاوێژکارى سەرۆکى هەرێم بۆ کاروبارى یەکسانى جێندەرى و خوێندنى باڵا ئامادەیى خۆى نیشاندا بۆ هاوکاریکردنى لێژنەى وەزارەت و سێنتەرەکان جێندەر لە زانکۆکانى کوردستان بەمەبەستى پەرەپێدانى زیاترى سێنتەرەکان و دانانى بەرنامەو پلان بۆ پێشخستنى ئاستى خزمەتەکانى ئەم سێنتەرانەو ئاراستەکردنیان بەرەو سیاسەتى گونجاو و ئامانجدار لە بوارى جێندەرى.

 

لە بەرامبەریشدا هەریەک لە ئەندامانى لێژنەى باڵاى یەکسانى جێندەرى لە وەزارەتى خوێندنى باڵا و توێژینەوەى زانستى لە ڕاپۆرتێکدا تەواوى ئەو کارو پرۆژانەیان خستەڕو کە لەماوەى ڕابردو پێشکەش کراون بەتایبەت ئەو چالاکییانەى دواى دامەزراندنى سێنتەرەکانى یەکسانى جێندەرى لە زانکۆکان پێشکەش کراون.

 





ئەم هەواڵە 307جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad