English | عربی | Kurdî دواهەواڵ
ڕاستەوخۆ  
 
نه‌ینه‌وا... گرنگترین ئه‌ندامی داعش ده‌ستگیركرا
2020-10-07 [12:23 PM]

ZNA - هه‌ولێر


 

ئه‌مڕۆ سێشه‌ممه‌ ده‌زگای هه‌واڵگری سه‌ربازیی عێراق، رایگه‌یاند، له‌ چوارچێوه‌ی هه‌ڵمه‌تێكی سه‌ربازیی و هه‌واڵگریدا له‌ سنووری پارێزگای نه‌ینه‌وا، یه‌كێك له‌ گرنگترین ئه‌ندامی رێكخراوی داعشیان ده‌ستگیركردووه‌.

له‌ به‌یاننامه‌یه‌كی رۆژنامه‌وانیدا، كه‌ هه‌واڵگری سه‌ربازیی عێراق بڵاویكردووه‌ته‌وه‌، هاتووه‌: له‌ هه‌ڵمه‌تێكی تایبه‌تدا، كه‌ پێویستی به‌ بوێری و له‌ خۆبووردوویه‌كی زیاتر هه‌بووه‌، به‌ هه‌ماهه‌نگی له‌گه‌ڵ به‌شی هه‌واڵگریی فه‌رمانده‌یی ئۆپراسیۆنه‌كانی خۆرئاوای نه‌ینه‌وا، مه‌فره‌زه‌كانی هۆبه‌ی هه‌واڵگری سه‌ربازیی سه‌ر به‌ فیرقه‌ی (20) له‌ فه‌سیڵی چاودێری لیوای (66)، توانرا كه‌سێك ده‌ستگیربكه‌ن، ناوی له‌ خۆی ناوه‌ "الرقاوي".

روونیشیكردووه‌ته‌وه‌، "الرقاوي" له‌ گوندی "الكصیرین"ی سه‌ر به‌ ناحیه‌ی "حه‌مدانییه‌" له‌ خۆرئاوای پارێزگای نه‌ینه‌وا ده‌ستگیركراوه‌.

به‌ گوێره‌ی به‌یاننامه‌كه‌ی هه‌واڵگری سه‌ربازیی عێراق، "الرقاوي"، یه‌كێكه‌ له‌ گرنگترین ئه‌و ئه‌ندامانه‌ی داعش، كه‌ سه‌ر به‌ فیرقه‌ی "الكواسر"ی تیرۆریست بووه‌ و به‌شداری زۆربه‌ی ئه‌و شه‌ڕانه‌ی كردووه‌، كه‌ داعش له‌ دژی هێزه‌ عێراقییه‌كان ئه‌نجامیداوه‌ و یه‌كێك بووه‌ له‌و داواكراوانه‌ی به‌ گوێره‌ی مادده‌ی (4)ی تایبه‌ت به‌ تیرۆر له‌ لایه‌ن دادگای عێراقییه‌وه‌ فه‌رمانیی ده‌ستگیركردنی بۆ ده‌ركراوه‌.





ئەم هەواڵە 460جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad