 |
|
|||
ZNA - هه‌ولێر لە سەرانسەری جیھاندا، ژمارەی تووشبووانی پەتای ڤایرۆسی کۆرۆنای نوێ (COVID-19) ٣٦ ملیۆن کەسی تێپەڕاند. بەپێی ماڵپەرى "Worldometer" كه زانیارییەکانی پشت به ئاماره‌كانى په‌تای ڤايرۆسى كۆرۆنای نوێ ده‌به‌ستێت لە جیهاندا، ژمارەى تووشبووانی په‌تاكه له جیهان گه‌یشتووه‌ته، ٣٦ ملیۆن و ٥٢ هەزار و ٥٧٣ كه‌س. ویلایەتە یەکگرتووەکانی ئه‌مریكا، بە تۆمارکردنی حەوت ملیۆن و ٧٢٣ هه‌زار و ٧٢١ حاڵه‌تی تووشبوون زۆرترین ژمارەی تووشبوونی بەو پەتا جیهانییە تۆمارکردووە. دوای ویلایەتە یەکگرتووەکانی ئه‌مریكا ریزبه‌ندی ١٠ وڵاتی یەکەم کە زۆرترین ژماره‌ی تووشبوونی په‌تای کۆرۆنایان تێدایە: ''هيندستان شەش ملیۆن و ٧٥٧ هەزار و ١٣١ حاڵه‌ت، بەڕازيل چوار ملیۆن و ٩٧٠ هەزار و ٩٥٣ حاڵه‌ت، رووسيا یەک ملیۆن و ٢٣٧ هەزار و ٥٠٤ حاڵه‌ت، كۆلۆمبیا ٨٦٩ هەزار و ٨٠٨ حاڵه‌ت، ئيسپانيا ٨٦٥ هەزار و ٦٣١ حاڵه‌ت، پێرو ٨٣٢ هەزار و ٩٢٩ حاڵه‌ت، ئه‌رجه‌نتین ٨٢٤ هەزار ٤٦٨ حاڵه‌ت، مه‌كسیك ٧٩٤ هەزار و ٦٠٨ حاڵه‌ت و کۆماری باشووری ئەفریقا ٦٨٣ هەزار و ٢٤٢ حاڵه‌ت''. هەروەها لە تورکیا ژمارەی تووشبووانی پەتای کۆرۆنا گەیشتووەتە ٣٢٧ هەزار و ٥٥٧ حاڵه‌ت. په‌تای ڤایرۆسی کۆرۆنای نوێ كه له شاری وهان رۆژهەڵاتی چین سەری هەڵدا، به زیاتر له ٢٠٠ وڵات و هه‌رێمدا بڵاوبووه‌ته‌وه. لە سه‌رانسه‌ری جیهاندا، یەک ملیۆن و ٥٤ هه‌زار و ٧١٠ كه‌س به په‌تاكه گیانیان له‌ده‌ستداوه، هه‌روه‌ها ٢٧ مليۆن و ١٥٥ هەزار و ٦٨٣ تووشبووى په‌تاكه چاكبوونەتەوە و لەئێستادا، حەوت مليۆن و ٨٤٢ هەزار و ١٨٠ کەس هەڵگری ڤایرۆسەکەن و چارەسەر وەردەگرن. ئەم هەواڵە 145جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad