English | عربی | Kurdî دواهەواڵ
ڕاستەوخۆ  
 
ئێران بە فەرمی ناڕەزاییی حۆی گه‌یانده‌ ئازەربایجان و ئەرمێنیا
2020-10-08 [12:19 PM]

ZNA - هه‌ولێر


 

وتەبێژی وەزارەتی دەرەوەی ئێران لە لێدوانێکدا لەبارەی نائارامییەکانی سنووری نێوان ئازەربایجان و ئەرمێنیا کە چەند گوللـە هاوەنێک بەر خاکی ئێران کەوتبوو ڕایگەیاند بە فەرمی ناڕەزایییان لەو بارەیەوە دەربڕیوە و دووباره‌بوونەوەی ئەو كاره‌ قبووڵ ناکەن.

سەعید خەتیب زادە وتەبێژی وەزارەتی دەرەوەی ئێران لە لێدوانێکدا ئاماژەی بە گرژییەکانی ئەم دوایییەی نێوان دوو وڵاتی ئازەربایجان و ئەرمێنیا کرد و ڕایگەیاند ئێران بە هیچ شێوەیێک سنووربەزاندن و تێکدانی سەروەریی وڵاتەکەی قبووڵ ناکات و لەبارەی گرژییەکانی نێوان ئەرمێنیا و ئازەربایجان نامەی فەرمیی ناڕەزاییی پێشکەش بەو دوو وڵاتە کردووە.

خەتیب زادە گوتیشی، کەوتنەخوارەوەی گوللـە و هاوەن لە خاکی ئێران بە مانای سنووربەزاندن و تێکدانی سەروەریی خاکی ئێرانە و ئەمەش قبووڵکراو نییە و بەو مەبەستەش نامەی فەرمیمان پێشکەش بە هەردوو وڵاتی ئەرمێنیا و ئازەربایجان کردووە کە ره‌فتاری وا دووباره‌ نەبێتەوە.

وتەبێژی وەزارەتی دەرەوەی ئێران جەختیشی کردەوە کە ئێران ڕژدە لە پاراستنی خاک و گیانی هاووڵاتییانی خۆی.

 

كوردپرێس





ئەم هەواڵە 235جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad