 |
|
|||
ZNA- هەولێر عەبدولناسر هیمەتی، سەرۆکی بانکی نێوەندیی ئێران رۆژی دووشەممە ١٢ی تشرینی یەکەم بە سەرۆکایەتیی شاندێکی ئێرانی گەیشتە بەغدا.هیمەتی بە مەبەستی پەرەپێدانی پەیوەندییە بازرگانییەكانی نێوان ئێران و عێراق ئەمڕۆ گەیشتە بەغدا و چاوی بە مستەفا کازمی و سەرۆکی بانکە عێراقیەکان کەوت. سەرۆکی بانکی نێوەندیی ئێران، لە کۆتایی سەرادانەکەیدا لەیادداشتێکدا نووسیویەتی: لەگەڵ بەرپرسانی عێراقی بە رێککەوتنی باش گەیشتووین. سەردانی سەرۆکی بانکی نێوەندیی ئێران لەکاتێک دایە کە سەرچاوەکانی هەواڵی ئێران رۆژێک پێشتر هەواڵی دەست‌لەکاركێشانەوەیان بڵاو کردەوە و خێرا بە درۆخرایەوە. هاوکات نرخی دۆلاری ئەمریکایی لە بازاڕەکانی ئێران لەبەرانبەر تومەندا جارێکی دیکە ژمارەی پێوانەیی تۆمار کرد و هەر دۆلارێکی ئەمریکایی خۆی لە ٣٢ هەزار تومەنی ئێرانی دا. ئەم هەواڵە 109جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad