English | عربی | Kurdî دواهەواڵ
ڕاستەوخۆ  
 
روونكردنه‌وه‌یه‌ك له‌ گوته‌بێژی حكومه‌تی هه‌رێمی كوردستانه‌وه‌
2020-10-14 [06:00 AM]

ZNA - هه‌ولێر


 

له‌ روونكردنه‌وه‌یه‌كدا، جوتیار عادل، گوته‌بێژی حكومه‌تی هه‌رێمی كوردستان وه‌ڵامی ئه‌و پێشنازه‌ی‌ دایه‌وه‌، كه‌ به‌م دواییانه‌ له‌لایه‌ن به‌رپرسێكی پله‌ باڵای حكومه‌تی فیدراڵی عێراقه‌وه‌ له‌باره‌ی ئیداره‌دانی داهاتووی نه‌وت و غاز له‌ هه‌رێمی كوردستان خستبوویه‌ڕوو.

 

ده‌قی رونكردنه‌وه‌كه‌ی گوته‌بێژی حكومه‌تی هه‌رێمی كوردستان:

 

به‌م دواییانه‌ چه‌ند راپۆرتێكی رۆژنامه‌وانی باسیان له‌ پێشنیازێك ده‌كرد، كه‌ به‌رپرسێكی پله‌ باڵای حكومه‌تی فیدراڵی عێراق له‌باره‌ی ئیداره‌دانی داهاتووی بواری نه‌وت و غاز له‌ هه‌رێمی كوردستان خستووه‌ته‌ڕوو.

 

ئێمه‌ له‌كاتێكدا جه‌خت ده‌كه‌ینه‌وه‌، كه‌ ئه‌و راپۆرتانه‌ هیچ له‌ گرنگیدانی حكومه‌تی هه‌رێمی كوردستان له‌ كاره‌ له‌پێشینه‌كانی له‌ دانوستانه‌ به‌رده‌وامه‌كان و بونیادنه‌رانه‌ی له‌گه‌ڵ حكومه‌تی فیدراڵی ناگۆڕێت، هه‌وڵه‌كانمان به‌چڕی ده‌مێننه‌وه‌ بۆ دۆزینه‌وه‌ی چاره‌سه‌رێكی پراكتیكی و یاسایی له‌باره‌ی نه‌وت و غاز و ئه‌وه‌ی مافه‌كانی گه‌لی كوردستان و عێراق له‌خۆ ده‌گرێت.

 

دووباره‌ دووپاتی ده‌كه‌ینه‌وه‌، چاره‌سه‌ری له‌و شێوه‌یه‌ پێویسته‌ له‌ چوارچێوه‌ی ده‌ستووردا بێت له‌ پێناو دابه‌شكردنێكی دادپه‌روه‌رانه‌ی داهاتی نه‌وت و غاز له‌ عێراق، كه‌ ده‌بێته‌ هۆی دانانی به‌ردی بناغه‌یه‌كی به‌هێز بۆ شه‌راكه‌تی راسته‌قینه‌ له‌ نێوان هه‌رێمی كوردستان و حكومه‌تی فیدراڵ و له‌ به‌رژه‌وه‌ندی گشتیی هاووڵاتیانی كوردستان و سه‌رانسه‌ری عێراقدا ده‌بێت.

 

د. جوتیار عادل

 

گوته‌بێژی حكومه‌تی هه‌رێمی كوردستان

 

14ی تشیرینی یه‌كه‌م (ئوكتۆبه‌ر)ی 2020

 





ئەم هەواڵە 745جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad