English | عربی | Kurdî دواهەواڵ
ڕاستەوخۆ  
 
بەرێوبەرێ پۆلیسی هەولێر: تۆمەتبارێكی مەترسیدار دەستگیر كرا
2020-10-15 [05:07 AM]

ZNA- هەولێر


 

عەمید دلێر نەجار، بەرێوبەری پۆلیسی هەولێر لە ئەکاوەنتی تایبەتی خۆی لە تۆری کۆمەلایەتی فیس بووک نووسیەتی: بەشی پۆلیسی ناوشار/ رۆژهەڵات، بنكەی پۆلیسی سەروەران، پاش ئاگاداركردنەوەیان لە بوونی چەندین حاڵەتی تەقەكردن و بێزاركردنی هاووڵاتیان بە ئۆتۆمبێلی جامڕەش و بێ ژمارە و بەكارهێنان و بازرگانیكردن بە ماددەی هۆشبەر و حەبی بێهۆشكەر و چەند حاڵەتێكی دیكەی شەڕفرۆشتن بە خەڵك و تەعەداكردن لێیان.

لە بەشێکی دیکەی نووسینەکەیدا:  تیمێكی تۆكمەی لێكۆڵینەوەمان پێكهێنا و دوای بەدواداچوونێكی ورد و چڕ و بەدەستهێنانی زانیاری، توانییان شوێنی تۆمەتبارێكی مەترسیدار بە ناوی (س.ر.ح) لە گەڕەكی پێنجی حەسارۆك ئاشكرا بكەن و بە پلانێكی وردی بەرنامەبۆداڕێژراو، دەستگیری بكەن.
تۆمەتباری ئاماژەپێكراو، كە بەپێی ماددەكانی (456) و (432) و (405/31) لە یاسای سزادان فەرمانی دەستگیركردنی هەبوو و چوار سكاڵای یاسایی لەسەر تۆمار كرابوون.

هەروەها عەمید دلێر نووسیەتی: لە كاتی دەستگیركردنیدا لە شوێنی حەوانەوەی، دەست بەسەر (152 گرام ماددەی هۆشبەر لە جۆری كریستاڵ، 421 گرام جامایكا، 35 گرام حەشیش، 78 پارچە حەبی ترامادۆڵ، 6 چەكی جۆری كلاشنكۆف، 7 نارنجۆك، 2 ئۆتۆمبێلی جۆری كیا كادێنزا و نیسان سەنییەكی ژمارە ستاختە)ـدا گیرا.
تۆمەتبار، دانی نا بە تاوانەكانیدا و بە بڕیاری دادوەر و بەپێی ماددە (421) لە یاسای سزادان، راگیرا و لێكۆڵینەوەش لەگەڵیدا بەردەوامە.


دڵشاد یونس هەرکی





ئەم هەواڵە 262جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad