English | عربی | Kurdî دواهەواڵ
ڕاستەوخۆ  
 
تەندروستی عێراق: ژمارەی ئەوانەی لە کۆرۆنا چاکدەبنەوە گەیشتووەتە له سەدا 85
2020-10-17 [07:22 AM]

ZNA - هه‌ولێر



وەزارەتی تەندروستی و ژینگەی عێراق رایدەگەیێنێت، لەگەڵ هاتنی وەرزی زستان شەپۆلی دووەمی کۆرۆنا رووبەڕووی عێراق دەبێتەوە و دووپاتیدەکاتەوە، گەڕانەوەی رێکارەکانی قەدەغەی هاتووچۆ گرێدراوە بە زیادبوونی ژمارەی تووشبووان و گیانلەدەستدان.

د. ریاز عەبدولئەمیر حەلفی، بەڕێوەبەری گشتیی تەندروستی لە وەزارەتی تەندروستی و ژینگەی عێراق رایگەیاند، لە نزمبوونەوەی پلەکانی گەرما بەهۆی هاتنی وەرزی سەرما و زۆر گرنگی نەدان بە پەتای کۆرۆنا، ژمارەی تووشبووان بە ڤایرۆسی کۆرۆنا لە عێراق زیاددەکات.

هاوکات دووپاتیکردەوە، ژمارەی ئەوانەی لە کۆرۆنا چاکدەبنەوە گەیشتووەتە 85% و پێشبینیدەکەن ژمارەی ژمارەکە زیاتر ببێت، ئەمەش لەڕێگەی پێشکەشکردنی خزمەتگوزارییەکان بەپێی پرۆتۆکۆلی چارەسەری جیهانی.

بە گوتەی حەلفی،  تێکڕای تووشبووان بەشێوەیەکی بەرچاو زیادی نەکردووە، وەزارەرتی تەندروستیش رێکاری تەندروستیی گرتووەتەبەر لەگەڵ نزیکبوونەوەی وەرزی زستاندا، لەگەڵ ئەوەشدا پێشبینیی زیادبوونی ژمارەی تووشبووان دەکرێت.

ئەو بەرپرسەی تەندروستیی عێراق دەشڵێت، بەپێی داتاکانی وەزارەت تەندروستی، سەردان و زیارەتکردنە ئایینییەکان کاریگەرییان نەبووە لەسەر زیادبوونی ژمارەی تووشبووانی کۆرۆنا.

لەڕووی زۆریی ژمارەی تووشبووانی کۆرۆنا، عێراق لەسەر ئاستی جیهان لە پلەی 15یەم دێت، بەشێوەیەکە، تاوەکو ئێستا زیاتر لە 420 هەزار تووشبووی ڤایرۆسەکە دەستنیشانکراون، لەو ژمارەیە نزیکەی 354 هەزار تووشبوو چاکبوونەتەوە و 10 هەزار و 142 تووشبووش گیانیان لەدەستداوە.





ئەم هەواڵە 70جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad