English | عربی | Kurdî دواهەواڵ
ڕاستەوخۆ  
 
راگەیاندراوێک لە مەکتەبی سیاسی پارتی دیموکراتی کوردستانەوە 
2020-10-17 [02:45 AM]

ZNA – ھەولێر 


سەرلەبەیانی ئەمڕۆ، رێکەوتی ١٧ی ئۆکتۆبەری ٢٠٢٠، بەشێکی سەرلێشێواو و سەرگەردان لە میلیشیاکان، کە دورن لە پرنسیپە نیشتمانیەکان و ھەستکردن بە بەرپرسیاریەتی و، دژ بە دیموکراسیەت و ئازادی، ھێرشیان کردە سەر بارەگای لقی (٥)ی پارتیمان و بە شێوەیەکی دور لە بەھای نیشتمانی و پێکەوەژیان، بارەگاکە و ئاڵای پیرۆزی کوردستانیشیان سوتاند. 

لە کاتێکدا بەتوندترین شێوە ئیدانەی ئەو کردەوە نا بەرپرسانە دەکەین کە بەرامبەر بارەگایەک کراوە کە تەنیا ئەرکی ئەنجامدانی چالاکی سیاسییە لە چوارچێوەی یاسادا، لە ھەمان کاتدا ھۆشداری دەدەین کە ئەوانەی ناویان لەخۆیان ناوە (ربع اللە) و ھاوکارەکانیان، کردەوەکانیان دور و نزیک پەیوەندیان بە ئیسلامەوە نیە و ناوی ئیسلام تەنیا بۆ پەردەپۆشکردنی تاوانەکانیان بەکاردێنن، بەم رەفتارانەیان تەواوی پرۆسەی سیاسی عێراق دەخەنە بارودۆخێکی مەترسیدار و، ھەڕەشەن بۆ ئیستیقراری عێراق و ئاشتی کۆمەڵایەتی و، حوکمڕانیش بەرەو ھەڵدێر دەبەن. 

ئێمە لە پارتی دیموکراتی کوردستان، سەرەڕای ئیدانەکردنی ئەم کردەوە ناشارستانیە، داوا لە حکومەتی فیدراڵی دەکەین، لە زوترینکاتدا ئیجرائاتی یاسایی بەرامبەر ئەنجامدەرانی بگرێتە بەر، کە گروپێکی ناسراون و راگەیاندراویان سەبارەت بە تاوانەکەیان بڵاوکردۆتەوە، ھەروەھا نیگەرانی و دڵگرانی خۆشمان دەردەبڕین لە کەمتەرخەمی ئەو ھێزانەی پاراستنی بارەگەکەیان پێسپێردرابوو کە بەداخەوە وەکو پێویست بە ئەرکە سەرشانی خۆیان ھەڵنەستان و ھیچ رێگرییەکیان لە گێرەشێوێنان نەکرد.. 


مەکتەبی سیاسی
 پارتی دیموکراتی کوردستان
 ١٧ی ئۆکتۆبەری ٢٠٢٠





ئەم هەواڵە 721جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad