English | عربی | Kurdî دواهەواڵ
ڕاستەوخۆ  
 
ئەنجومەنی سەركردایەتیی كەركووك - گەرمیان: ئەم ڕەفتارانە بە شێوەیەكی ھەڕەمەكی ڕوویان نەداوە
2020-10-17 [05:21 AM]

ZNA - هه‌ولێر


 

دوای ئه‌وه‌ی سه‌رله‌به‌یانی ئه‌مڕۆ چه‌كدارانی حه‌شدی شه‌عبی هه‌ڵیانكوتایه‌ سه‌ر باره‌گای لقی پێنجی پارتی دیموكراتی كوردستان و باره‌گاكه‌یان سوتاند و سوكایه‌تیان به‌ ئاڵای كوردستان كرد، له‌مباره‌یه‌وه‌ ئەنجومەنی سەركردایەتیی كەركووك - گەرمیانی پارتی دیموكراتی كوردستان له‌ راگه‌یه‌نراوێكدا رایگه‌یاند، ئەم ڕەفتارانە بە شێوەیەكی ھەڕەمەكی ڕوویان نەداوە و، بەشێوەیەكی خۆڕسكیش نەبوون، بگرە ئەنجامی ڕوونی ھەڵمەتێكی شێلگیرانەی دژ بە كوردە كە لە بەغدا بەڕێوە دەچێت.

وتیشی، ئەم جۆرە ڕەفتارە ناكامانە ناتوانن خۆیان لە قەرەی كەرامەت و پیرۆزیی ئاڵای كوردستان و ڕەمزی کوردستان و گەلی كوردستان بدەن.

ئه‌مه‌ش ده‌قی راگه‌یه‌نراوه‌كه‌یه‌:

بەتوندی سەركۆنەی ئەو ڕەفتارە ملھوڕانەیە دەكەین كە لە بەغدا دژ بە ئاڵای كوردستان  و، بە  سیمبوڵی سەدان ساڵ لە خەبات و قوربانیدانی گەلی كوردستان کرا . ئەوە بوو ئەمڕۆ تاقمێكی گومڕا بارەگای لقی پێنجی پارتی دیموكراتی كوردستان و وێنەی ڕەمزی کوردستانیان  لە بەغدا سووتاند.

ئەم ڕەفتارانە بە شێوەیەكی ھەڕەمەكی ڕوویان نەداوە و، بەشێوەیەكی خۆڕسكیش نەبوون، بگرە ئەنجامی ڕوونی ھەڵمەتێكی شێلگیرانەی دژ بە كوردە كە لە بەغدا بەڕێوە دەچێت و، چەند ھێزێكی كەم بەڕێوەی دەبەن و بەپێی ئەجیندایەك كە ھەوڵ دەدەن بیشارنەوە بەڵام لەلای ئێمە ڕوون و ئاشكران.

ئەم جۆرە ڕەفتارە ناكامانە ناتوانن خۆیان لە قەرەی كەرامەت و پیرۆزیی ئاڵای كوردستان و ڕەمزی کوردستان و گەلی كوردستان بدەن.

ئاستی ئەو ئاوەدانی و پێشكەوتن و گەشەكردنەی بە بازووی ھاووڵاتییانمان لە ھەرێمی كوردستاندا ھاتوونەتە دی بەڵگە و گەواھیدەری ئەوەن ئێمە گەلێكی خاوەن شارستانییەتی قووڵ و ڕەگداكوتاوین. ئەو وێرانكاری و كۆنەپەرستییەشی ئێوە ھۆكاریان بوون لە شارەكەنی دیكەی عێراقدا بەڵگەن لەسەر ئاستی داڕمانی شارستانی و بەھاكانی ئێوەن.

ئەنجومەنی سەركردایەتیی كەركووك - گەرمیانی پارتی دیموكراتی كوردستان

١٧ی ئۆكتۆبەری ٢٠٢٠





ئەم هەواڵە 292جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad