English | عربی | Kurdî دواهەواڵ
ڕاستەوخۆ  
 
حه‌شدا شه‌عبی ب تنێ د کولینکا خودا شێره‌
2020-10-17 [06:03 AM]



نڤیسینا: پاوان ته‌ته‌ر
، شروڤه‌کارێ سیاسی و بسپورێ ئاسایێشا نیشتیمانی


سپێده‌یا روژا ۱٦ێ ئوکتوبه‌رێ کو هێزه‌کا مه‌زنا حه‌شدا شه‌عبی ب پشته‌ڤانیا ته‌مام یا سوپایێ قودسێ ئیرانێ و سه‌رپه‌رشتیا راسته‌وخوویا قاسم سوله‌یمانی هێرشه‌کا مه‌زن ب هاریکاریا حزبه‌کا دیار یا کوردستانی و سه‌رکرده‌یێن دیارێن وێ حزبێ ده‌ست ب سه‌ر که‌رکوکا سێیه‌م مه‌زنترین باژارێ باشورێ کوردستانێ دانا. ئه‌ڤ هێرشه‌ کو ب ده‌ستاوده‌ستکرنا دووه‌م مه‌زنترین حزبا باشورێ کوردستانێ بوویه‌، بو ئه‌گه‌رێ دروستکرنا خه‌مه‌کا کوێر ل ده‌ف هه‌می ته‌خ و چینێن باشورێ کوردستانێ، ب تایبه‌تی هێزا پێشمه‌رگه‌. لێ نه‌ حه‌شدا شه‌عبی دزانی و نه‌ هه‌ڤالبه‌ندێ وێیێ ناڤخوویی ئه‌و هزردکر کو دێ دربه‌یا هێزێن پێشمه‌رگه‌یێن پارتی دیموکراتی کوردستان ل هه‌می سنورێ ده‌سهه‌لاتا وان وه‌ها یا ب هێز و توکمه‌ بیت.
بتنێ ۳ روژ ماینه‌ کو ۳ێ سال بسه‌ر داستانا پردێ درباز ببن. داستانه‌ک کو شیا هه‌می پلانێن دوژمنی کو به‌رهه‌ڤیێن د ئاستێ ناڤخوویێ کوردستانێ، عێراقێ و ناوچه‌یی بو هاتبوو کرن ژ بو نه‌هێلانا کیانێ سیاسێ هه‌رێما کوردستانێ هاتنه‌ پوچکرن. هێزێن حه‌شدا شه‌عبی دڤیان کو د گه‌له‌ک قولاندا هێرشێن به‌رفره‌ بکه‌نه‌ سه‌ر باژار و باژاروکێن کوردستانێ و خه‌یانه‌تا ۱٦ێ ئوکتوبه‌رێ وه‌که‌ نه‌مانا مورالا پێشمه‌رگه‌ ددیت، لێ ئاگه‌هداری وێ چه‌ندێ نه‌بوون کو سه‌رکێشێ هێزێن پێشمه‌رگه‌ ڤێ جارێ خودێ جه‌نابێ سه‌روک بارزانی بوویه‌.
خه‌ونا دوژمنی د شه‌رێ دو قولاندا دوو ره‌هه‌ندێن لێک جیاواز هه‌بوون، د هێرشا راسته‌وخوو کو ژ که‌رکوکێ دهات بو نێزیکبوون بو ناڤه‌ندا هه‌ڤلێرا پایته‌خت کو جومگه‌یێ ده‌سهه‌لاتا هه‌رێما کوردستانێ لێیه‌ و د سهێلادا بو گرتنا ده‌رگایێ ئیبراهیم خه‌لیل یێ بازرگانی بوو. د شێوازێ ڤێ جوره‌ هێرشکرنێدا و شێوازێ پیاده‌کرنا وێ دیاربوویه‌ کو پشتر کاره‌ێ جدی لسه‌ر ڤێ چه‌ندێ هاتبوو کرن و وه‌که‌ به‌شه‌ک د ستراتیژیه‌تا سه‌ربازیا ئیرانێ د ناوچێدا دهاته‌ ته‌ماشه‌کرن. لێ خویندنا سه‌رکردایه‌تیا پێشمه‌رگه‌ کو ژ لایێ سه‌روک بارزانی ڤه‌ بو هه‌ر زوو بریار دا کو گه‌لێ کوردستانێ د مرنێ هه‌لبژێریت و ناهێلیت که‌رامه‌تا وان بهێته‌ شکاندن. هه‌ر ئه‌ڤ ئاخفتنا جه‌نابێ سه‌روک بارزانی بو ئه‌گه‌رێ سه‌ر ژ نوی دروستکرنا شێرانه‌یا به‌رگیریا پێشمه‌رگه‌یێ کوردستانێ کو د شه‌رێن سهێلادا و ب تایبه‌تی شه‌رێ پردێ دا به‌رامبه‌ر دوژمنه‌کێ کو ب پێشکه‌فتیترین چه‌کێن سه‌رده‌م هێرشکریه‌ که‌رامه‌تا حه‌شدا شه‌عبی و هێزێن کو ده‌ست دگه‌ل واندا هه‌بوویه‌ ب هێته‌ شکاندن. 
هه‌ر ئه‌ڤروو کو بتنێ ۳ روژ ماینه‌ بو ۳ێ سالیا داستانا پردێ، لایه‌نگرێن حه‌شدا شه‌عبی ب ئالایێ حه‌شدێ هێرش کریه‌ سه‌ر باره‌گایێ پارتی دیموکراتی کوردستان ل به‌غدا و دگه‌لدا ئالایێ کوردستانێ هاتیه‌ سوتاندن. ئه‌ڤ جوره‌ کرداره‌ جاره‌ک دی بێ هێزیا حکومه‌تا عیراقێ دیار دکه‌ت به‌رامبه‌ر کارێ دیپلوماسی و سیاسی ل به‌غدایا پایته‌ختێ عیراقێ. ئه‌ڤ جوره‌ کرداره‌ زه‌نگێن مه‌ترسیدارن کو دیار دکه‌ت هێشتا عیراق ب زه‌قی لژێر فه‌رمانا که‌سێن به‌رژه‌وه‌ندیخوازێن مه‌زهه‌بی نه‌ د گوره‌پانا سیاسیا عیراقێدا.
هه‌ر پشتی بریارا داخستنا بالیوزخانه‌یا ئه‌مریکا ل عیراقێ کو د دوماهیا مه‌یا بووریدا بو عیراقێ بریاردا کو د ئاخفتنه‌کا فه‌رمیا کازمیێ سه‌روکوه‌زیرانێ عیراقێ پاپه‌ندبوونا حکومه‌تا عیراقێ د پاراستنا سه‌لامه‌تیا دیپلوماتکار و سیاسیان ل عیراقێدا لێ هه‌ر پشتی چه‌ند روژه‌کان باره‌گایێ مه‌زنترین حزبا عیراقی ل دویڤ پێوه‌رێن دوماهی هه‌لبژارتنێن په‌رله‌مانیێ عیراقێ بهێته‌ سوتاندن و ئالایێ پیروزێ نه‌ته‌وه‌یه‌کێ گرنگ د عیراقێدا کو د چوارچێوه‌یێ ده‌ستورا عیراقێ دانپێدراوه‌ ب هێته‌ سوتاندن.
ئه‌ڤ جوره‌ کاره‌ نه‌ بتنێ بێهێزیا حکومه‌تا عیراقێ د پاراستنا سه‌قامگیریا کارکرنا دیپلوماسی و سیاسی نیشان دده‌ت به‌لکو د هه‌مانده‌مدا به‌رده‌وامیدانه‌ ب وێنه‌یێ راسته‌قینه‌یێ عیراقێ کو بتنێ وه‌لاته‌کێ مه‌زهه‌بی و پێکهاته‌یه‌کا توندره‌وه‌ کو د گوره‌پانا سیاسیا وێدا بتنێ جهێ که‌سێن توندئاژوو و دویر ژ شارستانیه‌ت و ئێکتر قه‌بولکرنێیه‌. ل داوێدا د گوره‌پانا سیاسیا عیراقێدا ب تایبه‌تی لایه‌نگرێن ڤان جوره‌ کریاران و سه‌رکردایه‌تا حه‌شدا شه‌عبی دیاره‌ کو ئه‌ڤ جوره‌ کاره‌ ب تنێ وێ چه‌ندێ دیار دکه‌ن کو حه‌شدا شه‌عبی د کولینکا خودا شێره‌ و د مه‌یدان و بچوکترین نێزیکبوونا وان بو خاکا کوردستانێ دێ دوباره‌بوونا داستانه‌کا مینا پردێ بیت لێ ئه‌ڤ جاره‌ بهێزتڕ و ب ژانتر ژ سالا ۲۰۱۷ێ.





ئەم هەواڵە 769جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad