English | عربی | Kurdî دواهەواڵ
ڕاستەوخۆ  
 
وەزارەتی دەرەوەی ئەمریکا هەڵکوتانە سەر لقی پێنجی پارتی لە بەغدا سەرکۆنە دەکات
2020-10-18 [06:02 AM]

ZNA_ هەولێر


وەزارەتی دەرەوەی  ئەمریکا بە تووندی سەرکۆنەی هەڵکوتانە سەر لقی پێنجی پارتی لە بەغدا و سووتاندنی دەکات و رایدەگەیێنێت، چالاکییەکانی گرووپەکانی سەر بە ئێران، ناسەقامگیری و کێشەی ئیتنیکی و تائیفی دروست دەکات .

 

 لە راگەیێندراوێکدا وەزارەتی دەرەوەی ئەمریکا لەبارەی هێرشکردن بۆ سەر بارەگای لقی 5ـی پارتی لە بەغدا و سووتاندنی لەلایەن بەشێکی لایەنگرانی حەشدی شەعبی کە سەرلەبەیانی شەممە 17-10-2020 روویدا رایدەگەیێنیت "بە تووندی  هێرشی سەر لقی پارتی دیموکراتی کوردستان شەرمەزار دەکەین کە لەلایەن گرووپەکانی سەر بە حەشدی شەعبییەوە هێرشی کرایە سەر، قسە و لێدوانی ئازادانە و رەخنەگرانە، پێکهێنەری هەر دیموکراسییەکە".

 

وەزارەتی دەرەوەی ئەمریکا لە راگەیێندراوەکەیدا کە بەناوی گوتەبێژەکەیەوە بڵاویکردووەتەوە بەپێویستیی دەزانێت، لایەنە سیاسییەکان بتوانن گفتوگۆیەکی بونیاتنەری بێ هەڕەشەی "گرووپە چەکدارەکان و چەتەکان" ئەنجامبدەن .

 

لە راگەیێندراوەکەدا وەزارەتی دەرەوەی ئەمریکا رایدەگەیێنێت، ئەو چالاکییە ناسەقامگیرکارانەی کە گرووپەکانی نزیکی ئێران لە دەرەوەی دەسەڵاتی حکومەتی عێراق دەیکەن، کێشەی ئیتنیکی و تائیفی دروست دەکات .

 

گوتەبێژی وەزارەتی دەرەوەی ئەمریکا هەروەها دەڵێت، بە هێزەوە داوا لە هەموو لایەنەکان دەکەن بەرپرسیارانە مامەڵە بکەن لەو قۆناخە هەستیارەی عێراق کە "هێشتا کۆرۆنا بەرۆکی گرتووە و قەیرانی دارایی هەیە و هەڕەشەی داعشیش بەردەوامە".





ئەم هەواڵە 214جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad