English | عربی | Kurdî دواهەواڵ
ڕاستەوخۆ  
 
پرسەنامەیەک لە دەزگای رۆشنبیری و راگەیاندنی پارتی دیموکراتی کوردستان
2020-10-18 [02:24 AM]

ZNA – ھەولێر


بەڕێز/ خانەوادەی ھونەرمەندی ناسراوی گەلەکەمان(جەمال بەختیار) 
بەداخ و پەژارەیەکی زۆرەوە ھەواڵی کۆچی دوایی ھونەرمەند و نیگارکێشی ناسراوی گەلەکەمان(جەمال بەختیار)مان پێگەیشت، بەو بۆنە خەمناکەوە پرسەی سەرەخۆشی خۆمان لە ئێوە و کەسوکار و بنەماڵەکەتان و سەرجەم ھونەرمەندانی کوردستان دەکەین و، ھاوبەشی خەمتانین. 

خوالێخۆشبوو(جەمال بەختیار) لەساڵی(١٩٢٧)لە سلێمانی لەدایک بووە، لەتەمەنێکی زووەوە خولیای ھونەر و نیگارکێشان بووە و، دواتر تێکەڵی ژیانی سیاسی بووە، لەساڵی(١٩٤٠) دەستی بە کاری ھونەری کردووە و، ھونەرمەندێکی ناودار و دەستڕەنگین بوو، تەمەنی خۆی لە بواری ھونەر و نیگارکێشی تەرخان کرد بۆ خزمەتکردنی کوولتو ر وھونەری رەسەنی کوردی. 
خوالێخۆشبوو(جەمال بەختیار)ھونەرمەندێکی خاوەن ھەڵوێست و کەسایەتیەکی نیشتیمانپەروەر بوو، ساڵی(١٩٤٦)بەشداری لە کۆماری مەھاباد کردووە، لە دوای ھەڵگیرسانی شۆڕشی مەزنی ئەیلوول، رۆڵێکی دیاری ھەبووە لە نەخشاندنی پۆستەری سیاسی و بڵاوکراوەکانی پارتیمان، ئینجا پەیوەندی بە ریزەکانی ھێزی پێشمەرگەی کوردستان دەکات. خوالێخۆشبوو(جەمال بەختیار) لە کۆنگرەی(١٢)ی پارتیمان میدالیای بارزانی نەمری پێ بەخشراوە، لەکار و کردەوە ھونەریە دانسقەکانی دا ژیانی کوردەواری و خاک و نیشتیمان وسروشتی دڵڕفێنی کوردستان و دۆزی رەوای گەلەکەمان رەنگی داوەتەوە، دواجار ساڵی(١٩٧٦)دەچێـتە وڵاتە یەکگرتووەکانی ئەمریکا و ھەر لەوێش کۆمەڵەی ھونەرە جوانەکانی کوردستان دادمەزرێنێ و بەردەوام دەبێ لەسەر کار و چالاکییە ھونەریەکانی بۆ زیاتر ناساندنی ھونەر و کولتوورو کێشەی کورد بە جیھان، ھەروەھا ساڵی(١٩٩٤) تابلۆیەکی دانسقە بەناوی(نەتەوەی کورد) پێشکەش بە سەرۆکی ئەوسای ئەمریکا(بیل کلنتۆن) دەکات و لە ساڵی(٢٠٠٣)دا تابلۆیەک پێشکەشی(جۆرج بوش)سەرۆکی ئەمریکا دەکات. 

ھونەرمەندی خوالێخۆشبوو(جەمال بەختیار)خاوەنی سەدان تابلۆی رەنگین و دانسقەیە کە لە نێو ھونەر و کولتووری نەتەوەییماندا وەک گەنجینەیەک ھەر زیندوو دەمێننەوە، ھیواخوازین دڵنەوایی دۆستان و ھونەرمەندان ببێتە مایەی کەمکردنەوەی ئەو کۆستەتان. 

دووبارە پرسەو سەرەخۆشی خۆمان رادەگەیەنین، لە خوای مەزن داواکارین گیانی خوالێخۆشبوو بەبەھەشتی بەرین شاد بکات و ئارامیی بە ھەموو لایەک ببەخشێت. 

انا للە وانا الیە راجعون
 دەزگای رۆشنبیری و راگەیاندنی
 پارتی دیموکراتی کوردستان
 ١٨ـی١٠ـی٢٠٢٠

 





ئەم هەواڵە 361جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad