English | عربی | Kurdî دواهەواڵ
ڕاستەوخۆ  
 
دکتۆر ناسر هەرکی: ئەمرۆ ئەنجومەنی نوێنەرانی عێراق بۆ زۆر پرس کۆدەبێتەوە
2020-10-24 [09:22 AM]

ZNA- هەولێر


 

ئەمرۆ ئەنجوومەنی نوێنەرانی عێراق کۆدەبێتەوە و ئەندامێکی ئەنجوومەنەکەش دەڵێت، کۆبوونەوەکە چەند تەوەرێک لەخۆ دەگرێت، وەک پڕکردنەوەی کورتهێنانی دارایی، دەنگدان لەسەر تەواوکردنی یاسای هەڵبژاردنی عێراق، کە تا ئێستا ڕێککەوتنی تەواوی لەبارەوە نەکراوە.

دکتۆر ناسر هەرکی، ئەندامی ئەنجوومەنی نوێنەرانی عێراق لە فراکسیۆنی پارتی، بە ئاژانسی هەواڵی ڕاگەیاند: ئەمڕۆ۲٤ـی ۱۰ـی ۲۰۲۰ کاتژمێر ۱۲ـی نیوەرۆ  ئەنجومەنی نوێنەرانی عێراق  کۆدەبێتەوە، ئەنجوومەنی نوێنەران پەیوەست بە پڕۆژەیاسای پڕکردنەوەی کورتهێنانی دارایی و قەرزکردنی پارە و هەروەها دوو پڕۆژە یاسا سەبارەت بە ڕزگاربووان و کۆمەڵکوژیی کوردانی ئێزیدی، کۆدەبێتەوە.

دکتۆر ناسر هەرکی: ۱۰ـی ۱۰ـی ۲۰۲۰، ئەنجوومەنی نوێنەرانی عێراق لەبارەی یاسای هەڵبژاردن کۆبووەوە، کە پەرلەمانی عێراق لە کۆتایی ۲۰۱۹دا یاسای هەڵبژاردنەکانی پەسەند کرد و تەنیا یەک بڕگەی هێشتەوە، کە بە پێی ڕێککەوتنی فراکسیۆنەکانی نێو ئەنجوومەنی نوێنەران، دەنگی لەسەر دەدرێت.


هەروەها دکتۆر ناسرهەرکی ئەندامی ئەنجومەنی نوێنەرانی عێراق ئەوەشی بۆ،ئاژانسی هەواڵی زاگرۆسی خستەروو گووتی: بڕیارە دەنگ لەسەر تەواوکردنی یاسای هەڵبژاردنەکانی عێراق بدرێت، کە هێشتا ڕێککەوتنی سیاسیی لەبارەیەوە نەکراوە، هەرچەندە وەک کورد لەنێوان خۆماندا کێشەیەکی ئەوتۆمان نییە، بەڵام ئەمانە بەرنامەی ئەمڕۆ دەبێت، زۆر جاریش لە کۆبوونەوەکاندا تەوەرەکان دەگۆڕێن و دەبێتە بابەتگەلێکی دیکە.


دڵشاد یونس هەرکی





ئەم هەواڵە 343جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad