 |
|
|||
ZNA_ هەولێر ئەمینداری گشتی ھاوپەیمانێتی ناتۆ رایدەگەیەنێت، دۆخی عێراق ھێشتا جێگەی دوو دڵییە و ئەوان ئامادەی فراوانکردنی ئەرکەکانیانن. یێنز ستۆڵتنبێرگ، ئەمینداری گشتی ناتۆ رایگەیاند، دۆخی ئەمنی عێراق ھێشتا جێگەی دڵەڕاوکێی ئەوانە و ھاوپەیمانێتییەکەشیان بەو ھۆیەوە ئامادەیە ئەرکەکانی لە عێراق درێژ بکاتەوە و فراوانی بکات، ھەروەھا ئامادەن راھێنانی زیاتر بە ھێزەکانی عێراق بکەن. گوتیشی، ئێستا ناتۆ ٥٠٠ راوێژکاری سەربازی لە عێراقە و ئامادەن ھێزەکانیان لەو ژمارەیە زیاتر بکەن بە راوێژ لەگەڵ دەسەڵاتدارانی عێراق و ھاوپەیمانی نێودەوڵەتی لەپێناو بەرەنگاربوونەوەی داعش. ئەمینداری گشتی ناتۆ، ئاشکراشی کردووە، ئێستا ژمارەکە دیار نییە، بەڵام پلان دادەرێژن و لە کۆبوونەوەی داھاتووی وەزیرانی بەرگری ھاوپەیمانێتییەکە لە شوباتی ساڵی ٢٠٢١ بابەتەکە تاوتوێ دەکەن. ئەم هەواڵە 451جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad