English | عربی | Kurdî دواهەواڵ
ڕاستەوخۆ  
 
دوو ئه‌ندامی داعش لە بەغدا ده‌ستگیر كران
2020-10-25 [11:23 AM]

ZNA - هه‌ولێر


 

ئاژانسی هەواڵگریی سەربە وەزارەتی ناوخۆی عێراق رایگەیاند كە لە میانی دوو ئۆپەراسیۆنی جیادا، دوو تیرۆریستی داعش لە سنووری کارگێڕی پارێزگای بەغدا دەستگیركراون.

 

ئاژانسی فەرمی هەواڵیی عێراق پشت بەستن بە راگەیەندراوێكی ئاژانسی ناوبراو بڵاوی كردەوە كە هێزەكانی سەربە بەڕێوەبەرایەتی هەواڵگریی بەغدا لە میانی دوو ئۆپەراسیۆنی جیادا، دوو تیرۆریستیان لە ناوچەكانی مەنسور و دۆرە دەستگیركردووە كە بەپێی ماددەی چواری تیرۆر بەتۆمەتی ئەندامبوون لە داعش، داواكراوبوون.

 

ئاماژە بەوەیشدراوە كە یەكێك لەو دوو تیرۆریستەی دەستگیركراون، بە ناوی ئەبو عائیشە لە بەناو فیرقەی فورقان چەكداربووە و ئەوەی دیكەیش بەناوی ئەبو ئیسحاق لە بەناو ویلایەتی باشوور كاری كردووە.

 

لە راگەیەندراوەكەدا باس لەوەشكراوە كە لە میانی لێكۆڵینەوە بەراییەكاندا، ئەو دوو دەستگیركراوە دانیان بەوەداناوە كە سەربە داعشن و بەشدارییان لە چەندین كردەی تیرۆریستی دژبە هێزە ئەمنییەكان و هاووڵاتییان كردووە.

 

لە كۆتایی راگەیەندراوەكەدا ئەوە خراوەتەڕوو كە ئەو دوو دەستگیركراوە، بە ئامانجی تەواوكردنی لێكۆڵینەوەكان لەگەڵیاندا دەستبەسەركراون بۆ ئەوەی رێوشوێنی یاسایی لە بەرامبەریان، بگیرێتەبەر.





ئەم هەواڵە 190جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad