English | عربی | Kurdî دواهەواڵ
ڕاستەوخۆ  
 
لەخۆپیشاندانەكانی بەغدا بەدەیان كارمەندی هێزە ئەمنیەكان برینداربوون
2020-10-26 [08:40 AM]

​ZNA – هەولێر


وەزارەتی ناوخۆی عێراق رایگەیاند، لە خۆپیشاندانەكانی رۆژی یەكشەممە لە بەغدای پایتەخت، ٤٣ كارمەندی ئەمنی برینداربوون.

گوتەبێژی وەزارەتی ناوخۆی عێراق، سەعد مەعن لە كۆنگرەیەكی رۆژنامەوانییدا رایگەیاند: لە خۆپیشاندانەكانی رۆژی یەكشەممە لە ناوچەی عەللاوی ناوەڕاستی بەغدا، ژمارەیەك خۆپیشاندەر بە مۆڵۆتۆف و نارنجۆك هێرشیانكردووەتەوە سەر هێزە ئەمنییەكان، بەوهۆیەوە ٤٣ كارمەندی ئەمنی برینداربوون

لیوا سەعد مەعن ئاماژەی بە ژمارەی ئەو خۆپیشاندەرانە نەدا كە لە خۆپیشاندانەكانی دوێنێ یەكشەممە لە بەغدا بریندرابوون، بەڵام بەپێی زانیارییەكان كە لە خۆپیشاندانەكانی دوێنێدا لە بەغدا، ٣٣ خۆپیشاندەر و ١١ كارمەندی ئەمنی بریندرابوون.

لای خۆیەوە گوتەبێژی فەرماندەی گشتیی هێزە چەكدارەكانی عێراق، لیوا یەحیا رەسول لە كۆنگرە رۆژنامەوانییەكەدا رایگەیاند، بە توندی وەڵامی هەر كەسێك دەدرێتەوە ئەگەر هەوڵ بدات هێرش بكاتە سەر خۆپیشاندەران و هێزە ئەمنییەكان یان ئەگەر هەوڵ بدات دامەزراوەكانی گشتی بسووتێنێت و گوتیشی: "خۆپیشاندەران مافی خۆیانە خۆپیشاندانی ئاشتییانە بۆ داواكارییەكانیان ئەنجام بدەن".

لیوا یەحیا رەسول باسی لەوەشكرد كە هێزە ئەمنییەكان، كەسێكیان دەستگیركردووە كە هەوڵی داوە بە مۆڵۆتۆف هێرش بكاتە سەر هێزە ئەمنییەكان.

 





ئەم هەواڵە 217جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad