English | عربی | Kurdî دواهەواڵ
ڕاستەوخۆ  
 
تەندروستی جیهانی: دەبێت لە شوێنی قەرەباڵغ و شوێنە داخراوەکان دوورکەوینەوە
2020-10-27 [07:51 AM]

ZNA- هەولێر


بەرپرسیێكی رێکخراوی تەندروستیی جیهانی دەڵێت، تەنیا بە پابەندبوون بە رێنماییە تەندروستییەکان دەتوانین خۆمان لە قەدەغەی هاتووچۆ بپارێزین.

ماریا ڤان کەرخۆڤ لە کۆنفرانسی رۆژنامەوانی رۆژانەی رێکخراوەکەدا گوتی، "دەزانم ئەو بڕیارانە قورسن کە دەیدەین، بەڵام بۆ پاراستنی گیانی یەکدی دەبێت لە شوێنی قەرەباڵغ و شوێنە داخراوەکان دوورکەوینەوە و خۆشمان لە یەکدی بەدووربگرین".

ماریا پابەندبوونی بە رێنماییە تەندروستییەکان بە قوربانیدان ناوبرد، بەڵام ئاماژەی بەوەشکرد، "دەبێت هەموومان ئەو قوربانییە بدەین بۆ ئەوەی ناچاری قەدەغەی هاتووچۆ نەبینەوە".

ئەمریکا ریزبەندی یەکەمی وڵاتانی گرتووە بۆ زۆریی ژمارەی تووشبووانی کۆرۆنا و گیانلەدەستدان بە ڤایرۆسەکە، تاوەکو ئێستا بەپێی ئامارەکانی وۆڵد مێتەر، هەشت ملیۆن و 962 هەزار و 783 تووشبووی کۆرۆنا تۆمارکراون، 231 هەزار و 45 کەسیش گیانیان لەدەستداوە

هیندستان، بەرازیل، رووسیا و فەرەنسا لە دووەم تاوەکو پێنجەمی ریزبەندیی وڵاتاندان بۆ زۆریی ژمارەی تووشبووانی کۆرۆنا. ئەڵمانیا و بەریتانیاش هاوشێوەی ئیتاڵیا رێکارەکانی خۆپارێزییان تووندکردووەتەوە

لە هەرێمی کوردستانیش، وەزارەتی ناوخۆ رێکاری نوێی راگەیاند، لە هەولێر لە دوای کاژێر 12ـی شەو بەشێک لە شوێنەکان دادەخرێن، هاوکات هەر کەسێک پابەندی بەستنی دەمامک نەبێت، بڕی 20 هەزار دینار سزا دەدرێت

 

 





ئەم هەواڵە 100جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad