English | عربی | Kurdî دواهەواڵ
ڕاستەوخۆ  
 
سلێمانی ... له‌سه‌ر زانیاری ئاسایش، بڕێكی زۆر پاككه‌ره‌وه‌ له‌ناوده‌برێت
2020-10-28 [10:48 AM]

ZNA - هه‌ولێر


قایمقامیه‌تی سلێمانی له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، له‌سه‌ر زانیاری ئاسایشی سلێمانی و به‌هۆی نه‌شیاوی بۆ به‌كارهێنان، لیژنه‌ هاوبه‌شه‌كانی قائیمقامیه‌تی سلێمانی ده‌ست به‌سه‌ر بڕێكی زۆر پاككه‌ره‌وه‌دا ده‌گرێت و له‌لایه‌ن لیژنه‌ی تایبه‌ته‌وه‌ له‌ناو ده‌برێت.

ئه‌مڕۆ چوارشه‌ممه‌ (2020.10.28) له‌سه‌ر زانیاری ئاسایشی سلێمانی و له‌لا‌یه‌ن لیژنه‌ هاوبه‌شه‌كانه‌وه‌ ده‌ست به‌سه‌ر بڕی (13) تۆن پاككه‌ره‌وه‌ (فاست و زاهی)دا ده‌گیرێت كه‌به‌هۆی به‌سه‌رچونی ماوه‌كه‌یانه‌وه‌ شیاوی به‌كارهێنان نین، به‌ڵام خاوه‌نه‌كه‌ی‌ به‌نیاز بوه‌ به‌سه‌ر هاوڵاتیاندا ساغی بكاته‌وه‌.

به‌پێی رێنماییه‌ ته‌ندروستیه‌كان، ئه‌و كاڵاوشمه‌كانه‌ی ماوه‌ی به‌كارهێنانیان به‌سه‌رده‌چێت پێویسته‌ له‌ناوببرێن و به‌كارنه‌هێنرێن چونكه‌ ئه‌و پێكهاته‌ی مادده‌كه‌ی لێ دروستكراوه‌ ده‌گۆڕێت بۆ پێكهاته‌ی زیان به‌خش و زیان به‌ته‌ندروستی مرۆڤ ده‌گه‌یه‌نێت.

لیژنه‌كان داوا له‌ هاوڵاتیان ده‌كه‌ن، له‌كاتی بازاڕكردن و كڕینی پێداویستی، به‌وردی سه‌رنج له‌ به‌رواری دروستكردن و به‌سه‌رچونی ئه‌و كاڵاوشمه‌كانه‌ بده‌ن كه‌ ده‌یكڕن و به‌كاره‌ ده‌هێنن، له‌كاتی هه‌بونی كاڵاوشمه‌كی ماوه‌به‌سه‌رچو له‌ڕێی ژماره‌ (07708677777) لیژنه‌كانی قائیمقامیه‌تی سلێمانی ئاگادار بكه‌نه‌وه‌.

به‌فه‌رمانی قائیمقامی سلێمانی ته‌واوی ئه‌و كاڵاوشمه‌كانه‌ی له‌له‌لایه‌ن لیژنه‌ی تایبه‌ته‌وه‌‌ له‌ناوده‌برێت و خاوه‌نه‌كه‌شی روبه‌ڕوی رێكاری یاسایی ده‌كرێته‌وه‌.

قائیمقامیه‌تی سلێمانی له‌ڕێی لیژنه‌ هاوبه‌شه‌كانیه‌وه چاودێری وردی دوكان و بازاڕ و شوێنه‌ گشتیه‌كان ده‌كات، له‌كاتی هه‌بونی خوارده‌مه‌نی و كاڵاوشمه‌كی خراپ و ماوه‌به‌سه‌رچو سه‌ره‌تا خاوه‌ن شوێنه‌كه‌ ئاگادار ده‌كاته‌وه‌، له‌كاتی دوباره‌كردنه‌وه‌ی سه‌رپێچی خاوه‌نه‌كه‌ی سزای مادی ده‌دات، وهه‌روه‌ها به‌هۆی به‌رده‌وام بونی له‌سه‌رپێچی شوێنه‌كه‌ و خاوه‌نه‌كه‌شی روبه‌ڕوی رێكاری یاسایی ده‌كاته‌وه‌.

 





ئەم هەواڵە 178جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad