English | عربی | Kurdî دواهەواڵ
ڕاستەوخۆ  
 
پەیامی پیرۆزبایی مەكتەبی سیاسی پارتی دیموكراتی كوردستان بەبۆنەی جەژنی لەدایك بوونی حەزرەتی محەمەد(درودی خوای لەسەربێ)
2020-10-28 [04:34 AM]

ZNA_ هەولێر



 
بەبۆنەی هاتنەوەی جەژنی لەدایك بوونی پێغەمبەری ئیسلام حەزرەتی محەمەد(درودی خوای لێبێت) گەرمترین پیرۆزبایی لە سەرجەم موسڵمانانی كوردستان و عیراق و جیهان دەكەین، ئومێدەوارین ئەو بۆنە پیرۆزە هەوێنی خێر و خۆشی و ئارامی و،  زیاتر چەسپاندنی گیانی برایەتی و  لێبووردەیی و تەبایی بێ و، گەلەكەمان بە هەموو پێكهاتەكانیەوە لە دەردەسەری و ناخۆشی بەدوور بێ بەتایبەتی لەو هەلومەرجە نەخوازراوەی قەیرانی تەندروستیدا.

 لەو یادە پیرۆزەدا جەخت دەكەینەوە سەر پەیامی ئاشتەوایی كۆمەڵایەتی و هەماهەنگی نێوان پێكهاتە جیاجیاكانی كوردستان و، هەروەها بە ئەركی هەموو لایەكمانی دەزانین کە گیانی هاوبەشی و بەیەكەوەژیان پتەوتر بكەین بۆ خزمەتكردنی كۆمەڵگەی كوردستانیی و زیاتر برەودان بە خۆشگوزەرانی و ئاسوودەیی هاووڵاتیان و رەتكردنەوە و نەهێشتنی دووبەرەكی و توندڕۆیی و شەڕانگێزیی.

جارێكی دیكە یادی لەدایكبوونی پێغەمبەری مەزنمان حەزرەتی(محەمەد)درودی خوای لێبێت، لە گشت موسڵمانان و مرۆڤایەتی پیرۆز بێت. 
  
مەكتەبی سیاسی
پارتی دیموكراتی كوردستان
 ١١ـی رەبیعولئەوەلی ١٤٤٢ـی كۆچی
  ٢٨ـی١٠ـی٢٠٢٠ـی زایینی





ئەم هەواڵە 298جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad