English | عربی | Kurdî دواهەواڵ
ڕاستەوخۆ  
 
پرسەنامەی مەکتەبی سیاسی پارتی دیموکراتی کوردستان بۆ کۆچی دوایی سیاسەتمەداری گەلەکەمان(د.نەجمەدین کەریم)
2020-10-31 [01:43 AM]

ZNA- ھەولێر 



بەداخ و پەژارەیەکی زۆرەوە سەرلەبەیانی ئەمڕۆ ھەواڵی کۆچی دوایی سیاسەتمەدار و تێکۆشەری گەلەکەمان (د.نەجمەدین کەریم)مان بیست،  بەو بۆنە خەمناکەوە پرسە و سەرەخۆشی خۆمان ئاراستەی خانەوادە نیشتمان پەروەرەکەی و کەسوکار  و دۆست و ئاشنایانی خوالێخۆشبوو و خەڵکی دڵسۆزی شاری کەرکوک و سەرجەم کوردستانیان دەکەین و، خۆمان بە ھاوبەشی خەم و پەژارەیان دەزانین.

(د.نەجمەدین کەریم) ساڵی(١٩٤٩)لە شاری کەرکوکی دڵی کوردستان لەدایک بووە و، ھەر لەو شارە دەستی بە خوێندن کردووە، ساڵی(١٩٧٢) بڕوانامەی کۆلێژی پزیشکی موسڵی بەدەستھێناوە و لەھەمان ساڵدا بۆتە ئەندامی سەرکردایەتی یەکێتی قوتابیانی کوردستان و پەیوەندی بە ریزەکانی شۆڕشی مەزنی ئەیلولەوە کردوە، پاشان دەچێـتە ولایەتە یەکگرتووەکانی ئەمریکاو لەوێ خوێندنی باڵا لەبواری پزیشکی تەواو دەکات و لە ساڵی(١٩٨٨)کۆنگرەی نەتەوەیی کوردی لە باکووری ئەمریکا دامەزراندووە، ھەروەھا رۆڵێ ھەبووە لە دامەزراندنی بەشی کوردی ئێزگەی ئەمریکا و، ساڵی(١٩٩٦)پەیمانگەی کوردی لە ئەمریکا دامەزراندووە، دواجاریش لە ساڵی(٢٠١١) دەبێتە پارێزگاری کەرکووک.
 
خوالێخۆشبوو، کەسایەتیەکی ناسراو و رۆشنبیر و، خاوەن ھەڵوێست و وەفادار بوو بۆ کێشەی کورد و خەباتی رزگاریخوازی گەلەکەی، لەو پێناوەشەدا وەکو سیاسەتمەدار و دبلۆماتکارێکی سەنگین و وەکو دکتۆرێکی شارەزاش، دڵسۆزانە و خەمخۆرانە لە خزمەت و تێکۆشان بەردەوام بووە، بۆیە لەدەستدانی زیانێکی گەورەیە و بۆ ھەمیشە لە یادەوەریماندا دەمێنێتەوە. 
 
وێرای دووبارە پرسە و سەرەخۆشیمان، ھیواخوازین ھاوخەمیی رۆشنبیران و ئازادیخۆز و دڵسۆزانی کوردستان ببێتە مایەی دڵنەوایی و سەبووری خانەوادە تێکۆشەرەکەیی و خوای گەورە بە بەھەشتی بەرینی شادبکات..
انا للە وانا الیە راجعون 

مەکتەبی سیاسی
 پارتی دیموکراتی کوردستان
٣١ـی١٠ـی٢٠٢٠

 





ئەم هەواڵە 319جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad