English | عربی | Kurdî دواهەواڵ
ڕاستەوخۆ  
 
لەهەولێر تۆمەتبارێك ڕووبەرووی پۆلیس دەبێتەوە پۆلیسێك دەكوژێت و چواری تریش بریندار دەكات
2020-11-02 [07:43 AM]

ZNA- هەولێر


شەوی رابردوو لە گەڕەکی عەدالەی شاری هەولێر رووبەڕووبوونەوە لەنێوان هێزەکانی پۆلیس و تۆمەتبارێک روودەدات و لەئەنجامدا پۆلیسێك كوژراوە و 4ی تریش برینداربوون.

لە کاتژمێر 11 شەوی رابردوو لە گەڕەکی عەدالەی شاری هەولێر رووبەڕووبوونەوەی پۆلیس و تۆمەتبارەكە روویداوە و بەڕێوەبەری پۆلیسی ناوشاری هەولێر و چوار پۆلیسی دیکە برینداربوون و یەکێکیشیان کوژراوە کە کوڕی بەڕێوەبەری پۆلیسی ناوشاری هەولێرە.

تۆمەتبارەکە بەپێی ماددەی 405 لە یاسای سزادانی عێراقی بڕگەی 31 تۆمەتباربووە و فەرمانی دەستگیرکردنی هەبووە، بەڵام خۆی رادەستی هێزە ئەمنییەکان نەکردووە و دوای رووداوەکەش رایکردووە.

بەپێی ئەو سەرچاوەی پۆلیس کە بۆ رووداو قسەی کردووە "تۆمەتبارەکە پێشتر ئەفسەر بووە لە هێزە ئەمنییەکان، لەکاتی رووبەڕووبوونەوەکەش لەگەڵ پۆلیس دەمانچەی دەرهێناوە و تەقەی کردووە."

لە رووداوەکەدا عەقید عزەدین سێ گوللـەی پێکەوتووە و پێشتر بەڕێوەبەری نووسینگەی لێکۆڵینەوەی تاوانی کوشتن بووە لە هەولێر، هەروەها کوڕەکەی پەیوەند عزەدین سێ گوللـەی بەرکەوتووە و پاسەوانی خۆی بووە، جگەلەوان موقەدەم کەیوان و سێ پۆلیسی دیکەش برینداربوون.

 

عەقید عزەددین بریندارە و پەیوەندی كوڕی كوژراوە 





ئەم هەواڵە 280جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad