English | عربی | Kurdî دواهەواڵ
ڕاستەوخۆ  
 
هۆکار و جۆرەکانی سەرئێشە کامانەن
2020-11-02 [12:00 AM]

ZNA ــ هەولێر


سەرئێشە، نەخۆشیەکە کە رەنگە بەبێ جیاوازی توشی هەموان ببێت، بەهۆی سەرماوە یاخود 'رژبونی ماسولکەکان، یان ماندوبونێکی زۆرەوە، بێگومان ئەگەر کەسەکە نەخۆشیەکی دیکەی نەبێت، دکتۆر ھەڤین کەمال شاە محەمەد، دیارترین جۆرەکانی سەرئێشە خستوەتەڕو.

سەرئێشەی کافیین
ئەگەر راھاتویت لەسەر خواردنەوە کافاینەکان وەک چا و قاوە، لەکاتێکی تایبەتدا لەڕۆژدا، ئەگەر لەهەمانکاتدا نەیخۆیتەوە رۆژانە، لەشت داوای کافاین دەکات و توشی سەرئێشە دەبیت.

سەرئێشە بەهۆی ئازاری ددانەوە
هەندێک کات بونی ئازار لە ددانەکانتدا، بەهۆی هەوکردنی پوک یان کلۆربونەوە، جۆرێک لە سترێسی بۆ دروستدەبێت و دواجار دەبێتەهۆی سەرئێشە. 

سەرئێشەی هەڵگەڕاو
بەکارهێنانی دەرمان، یان دژە هەڵئاوسانەکان لە لوتدا، دەبێتە هۆی لوتگیران، دواجاریش کاریگەری لەسەر سەرت دەبێت و توشی ئازار دەکات. 

سەرئێشەی سترێس (قەلەقی)
یەکێکە لە باوترین جۆرەکانی سەرئێشە، کە بەهۆی سترێس و باری دەرونی ناجێگیرەوە دروستدەبێت، ئازارەکە توشی هەردولای سەر و ناوچەوان و بەشی پشتەوەی مل و چەناگە دەبێت.

سەرئێشەی هۆڕمۆن
زیاتر لە ژناندا هەیە، بەهۆی گۆڕانکاری لە هۆڕمۆنەکان لە سوڕی مانگانەدا یان بەکارهێنانی حەبی مەنع، یاخود کاتی دوگیانی. 

سەرئێشەی نیوەیی (شەقیقە)
ئەم سەرئێشەیە لایەکی سەرت دەگرێتەوە، لەهەمانکاتدا توشی گێژبون و دڵ تێکەڵهاتن و رشانەوە دەبیت، هەستیاریش دەبیت بەرامبەر روناکی و دەنگەکان.

سەرئێشەی هێشویی
بەهەمانشێوە توشی بەشێکی سەر دەبێت، زیاتر لە دەوری چاودایە، لەهەمانکاتدا لوت دەگیرێت و هەڵئاوسان رودەدات، فرمێسکیش بەچاوتدا دێتەخوارێ. 

سەرئێشەی ھەوکردنی گیرفانەکانی لوت (جیوب الانفیة)
بەشی پێشەوەی سەر و دەموچاوت توشی ئازاردەبێت، بەهۆی هەوکردنی گیرفانەکانی لوتەوە.

 





ئەم هەواڵە 178جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad