English | عربی | Kurdî دواهەواڵ
ڕاستەوخۆ  
 
حکومەت مووچەی زیاتر لە ١٦ ھەزار مووچەخۆری نایاسایی رادەگرێت
2020-11-03 [01:27 AM]

ZNA- ھەولێر




لیژنەی باڵای بایۆمەتری ھەرێمی کوردستان کۆبووەوە و رایگەیاند، زیاتر لە ١٦ ھەزار کەس بە نایاسایی لە مووچەیەک زیاتر وەردەگرن و بڕیاری راگرتنی مووچەکانییان دراوە. 
 
ئەمڕۆ سێشەممە ٣-١١-٢٠٢٠، لیژنەی باڵای جێبەجێکردنی قۆناخی دووەمی بایۆمەتری بەسەرپەرشتی قوباد تاڵەبانی، جێگری سەرۆکی ئەنجوومەنی وەزیران و ئامادەبوونی وەزیری دارایی و ئابووری، کۆبوونەوەی ژمارە دووی ئەنجامدا.
 
لە کۆبوونەوەکەدا، فەرمانگەی ھەماھەنگی و بەدواداچوون و فەرمانگەی تەکنەلۆجیای زانیاری، پشتبەست بەئامار و داتاکانی بایۆمەتری، راپۆرتێکیان لەبارەی فرەمووچەیی پێشکەش کرد، بەپێی ئەو راپۆرتە "١٠٦ ھەزار و ٨٣٩ کەس لە یەک مووچە زیاتر وەردەگرن کە زۆربەیان بەپێی یاسا رێکخراون."
 
لیژنەی باڵای بایۆمەتری ھەرێمی کوردستان ئاماژە بەوە دەدات، پاش بەدواداچوون بۆ دۆسیەی ئەو مووچەخۆرانە،‌ دەرکەوت "١٦ ھەزار و ٥٠٥ کەس، لەیەک مووچە زیاتر بە نایاسایی وەردەگرن، بۆیە لیژنەی باڵا، لە چوارچیوەی یاسای چاکسازیدا، وەزارەتی دارایی و ئابووری راسپارد بۆ راگرتنی مووچەی داھاتوویان لەگەڵ پاراستنی مافی ئەو کەسانە بۆ تانەدان لەم بڕیارە، ماوەی مانگێکیش دیاریکرا بۆ سەرلەنوێ پێداچوونەوەی دۆسییەکانیان."
 
بەگوێرەی یاسای چاکسازی، تەنیا وارسی شەھیدان و ئەو زیندانە سیاسیانەی کەمتر لە ١٠ ساڵە مووچە وەردەگرن، دەتوانن دوو مووچە وەربگرن و ئەو مووچەیەی وەکو فەرمانبەر یاخود خانەنشین یان لە تۆڕی پاراستنی کۆمەڵایەتی وەریدەگرن، لێیان نابڕدرێت.





ئەم هەواڵە 685جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad