English | عربی | Kurdî دواهەواڵ
ڕاستەوخۆ  
 
ئه‌مه‌ریكا... به‌خۆپیشاندان داوای جیاكردنه‌وه‌ی ته‌واوی ده‌نگه‌كان ده‌كرێت
2020-11-05 [11:33 AM]

ZNA - هه‌ولێر


 

خۆپیشاندەران لە هەندێک لە شارەکانی ئەمەریکا خۆپیشاندانیان کرد و داوایان کرد دەنگەکانی هەڵبژاردنەکانی سەرۆکایەتی بەتەواوەتی جیابکرێتەوە، لەکاتێکدا کۆمەڵێک لە لایەنگرانی سەرۆک ترامپ لە دەرەوەی ناوەندەکانی دەنگدان لە میشگن و ئاریزۆنا خۆپیشاندانێکی هاوشێوەیان ئەنجامدا.

پۆلیسی نیویۆرک دەیان کەسی دەستگیرکرد دوای ئەوەی خۆپیشاندانەکان ئاشتیانە بەڕێوەدەچوون، کاربەدەستانی شارەکە ئاماژە بەوە دەدەن کۆمەڵێک خەڵک " هەوڵیانداوە خۆپیشاندانەکە بگۆڕن بۆ کاری تێکدەرانە، ئەوەش لەڕێی ئاگرکردنەوە و پێکدادان لەگەڵ ئەفسەرانی پۆلیسدا."

بە هەمان شێوە خۆپیشاندەران لە شیکاگۆ و لۆس ئانجلس و سیاتڵ و هیوستن و پیتسبێرگ و مینیاپۆڵیس و سان دیێگۆ ڕژانە سەر شەقامەکان، جیا لەوەی کە داوای جیاکردنەوەی دەنگەکانیان دەکرد، داوای یەکسانیشیان دەکرد لەنێوان ڕەگەزەکاندا.

لەلایەکی دیکەشەوە لایەنگرانی سەرۆک ترامپ چوونە ناوەندێکی دەنگدان لە دیترۆیت، میشیگن و داوای ڕاگرتنی جیاکردنەوەی دەنگەکانیان کرد، ئەوانی دیکە لە فینیکس و ئاریزۆنا هاواریان دەکرد " ئەم دزیکردنە بوەستێنن."

هۆکاری ئەم خۆپیشاندانە جیاوازانە ئەوەیە کە ئەنجامی هەڵبژاردنەکانی ڕۆژی سێشەممە هێشتا نادیارە، هەروەها سەرۆک ترامپیش ڕایگەیاند ساختەکاری لە ئەنجامەکاندا کراوە، لەکاتێکدا کۆمارییەکان کۆمەڵێک سکاڵای یاساییان دژی ئەنجامەکان تۆمارکردووە.

 

voa





ئەم هەواڵە 130جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad