English | عربی | Kurdî دواهەواڵ
ڕاستەوخۆ  
 
جۆ بایدن سه‌ركه‌وتنی به‌ده‌ست هینا و بووه‌ 46ـه‌مین سه‌رۆكی ئه‌مه‌ریكا
2020-11-07 [07:13 AM]

ZNA - هه‌ولێر


 

ئێوارەی ئەمڕۆ بەکاتی هەرێمی کوردستان میدیاکانی ئەمریکا رایانگەیاند، کە جۆ بایدنی بەربژێری دیموکراتەکان بووە 46ـەمین سەرۆکی داهاتووی ئەمریکا و لە دۆناڵد ترەمپی، بەربژێری کۆمارییەکانی بردەوە.

دوای چوار رۆژ ئەنجامی هەڵبژاردنەکان راگەیێندرا و جۆ بایدن ویلایەتی پەنسلڤانیای بردەوە و بەمەش بووە 46ـەمین سەرۆکی داهاتووی ئەمریکا و 284 دەنگی نوێنەرانی بەدەستهێنا.

جۆ بایدن لە تویتەر رایگەیاند "ئەمریکا.. شانازیی دەکەم کە هەڵتانبژاردم بۆ سەرکردایەتییکردنی وڵاتە مەزنەکەمان، ئەو کارەی لە پێشمانە سەخت دەبێت. بەڵام من ئەم بەڵێنەتان دەدەمێ کە دەبمە سەرۆکی هەموو ئەمریکییەکان، چ دەنگتان پێدابم یاخود نا".

 

جۆ بایدن لە بەشێکی دیکەی تویتەکەیدا بۆ خەڵکی ئەمریکا دەنووسێت "ئەو متمانەیەتان دەپارێزم کە بە منتان بەخشی."

بردنەوەی ئەمجارەی دیموکراتەکان بەسەر کۆمارییەکان مێژووییە، بایدن زیاتر لە 4 ملیۆن دەنگی لە ترەمپ زیاترە، بایدن 50.6 لەسەدای دەنگی بەدەستهێناوە کە دەکاتە دەنگی 74 ملیۆن و 847 هەزارو 834 کەس، ترەمپیش 47.7٪ی دەنگەکانی بەدەستهێناوە، ئەویش دەکاتە 70 ملیۆن و 591 هەزارو 531 دەنگ.

هێشتا ویلایەتی نیڤاداو جۆرجیا ماوە یەکلایی ببێتەوە، بەڵام لە هەردوو ویلایەتەکان بایدن لەپێشە، تەنیا لە نۆرت کارۆلاینا ترەمپ لەپێشە، بەڵام بە یەکلاییبوونەوەی هەردوو ویلایەتەکە بردنەوەکەی دیموکراتەکان مێژووییە.

 





ئەم هەواڵە 106جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad