English | عربی | Kurdî دواهەواڵ
ڕاستەوخۆ  
 
بەرگری شارستانی هەولێر داوایەك لەهاووڵاتیان دەكات
2020-11-08 [07:52 AM]

ZNA- هەولێر


بەرگری شارستانی پارێزگای هەولێر رایگەیاند، بەهۆى هاتنی وەرزی زستانەوە مۆبایل تا بەیانی لەسەر شەحن بەجێ مەهێڵن و لەکاتى خەوتندا گڵۆپ و ئامێرە کارەباییە زیادەکان بکوژێننەوە .

بەرگری شارستانی پارێزگای هەولێر لە راگەیەندراوێکدا بڵاویکردەوە، "ئەگەر دەتانەوێت کەسە خۆشەویستەکانتان لەدەستنەدەن لە وەرزى زستاندا بەهۆى کەوتنەوەى ئاگر، ئەوا مۆبایلەکانتان تا بەیانی لەسەر شەحن بەجێ مەهێڵن و وایەرى شەحنى ئەسڵى بەکاربێنن و لەکاتى خەوتندا گڵۆپ و ئامێرە کارەباییە زیادەکان بکوژێننەوە تاوەکو بەدووربن لە رووداوى ئاگرکەوتنەوە".

ئاماژە بەوەشکراوە، "سویچ پلاک و هیتەر و وایەر و دابەشکارى باشى کارەبا بەکاربهێنن و ئامێرێکی ئاگرکوژێنەوەی پاودەر بکڕن و لەماڵەوە دایبنێن".

ئەوەشخراوەتەڕوو، "بۆیلەرەکەتان بپشککن تاوەکو دڵنیاببنەوە کە ئۆتۆماتیکەکەی ئیش دەکات و خۆتان بەدووربگرن لە  راکێشانی وایەر لەژێر کومبار، چونکە کە گەرم بوو ئاگر دەگرێ هاوشێوەى بەنزین".

باس لەوەشکراوە، لە بوونى هەرحاڵەتێکى ئاگرکەوتنەوە ئەوا بەزوترین کات پەیوەندی بە ژمارە ١١٥ یان ١٢٥ بکەن.

ئەوەش دوای ئەوەدێت، ساڵانە و بەدیاریکراوى لە وەرزى زستاندا رووداوەکانى ئاگرکەوتنەوە روو لە هەڵکشان دەکەن بەهۆى زیاد بەکارهێنانى ئامێرە کارەباییەکان بەتایبەت ئامێرە گەرمکەرەوەکان.

 





ئەم هەواڵە 436جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad