 |
|
|||
ZNA - هه‌ولێر
سەرچاوەکانی پۆلیس و تیمەکانی فریاکەوتن ئاماژەیان بەوەدا ژماره‌یه‌ك چەکداری نەناسراو لە هێرشێکدا بۆ سەر شوێنێکی سوپای عێراق لە ڕۆژئاوای بەغدا لانی کەم 11 کەسیان کوشتووە و 8 کەسی دیکەیان بریندارکردووە کە سەربازیشیان تێدایە. سەرچاوەکان وتیشیان چەکدارەکان بە چوار ئوتومبێل بە ڕومانە و چەکەوە هێرشیان کردۆتە سەر شوێنێک لە گەڕەکی ڕەزوانیە لە باشووری ڕۆژئاوای بەغداد. سوپای عێراق لە بەیاننامەیەکدا وتی " کۆمەڵێک تیرۆریست " هێرشیان کردۆتە سەر شوێنێکی سەر بە کۆمەڵێکی چەکداری سوننی کە لەلایەن حکومەتی عێراقەوە پشتیوانیان لێدەکرێت و لە ئەنجامدا چوار کەس کوژران و سێ کەسی دیکە برینداربوون. سەرچاوەکانی پۆلیسیش وتیان هێزەکانی سوپا و پۆلیس دەستیان کردووە بە گەڕان بە دوای هێرشبەرەکاندا.
ئەم هەواڵە 106جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad