English | عربی | Kurdî دواهەواڵ
ڕاستەوخۆ  
 
سیستمێكی تۆماركردنی زانیاری بۆ خانەنشینان دروست دەكرێت
2020-11-09 [11:49 AM]

ZNA - هه‌ولێر


 

وەزارەتی دارایی لە راگەیەندراوێكدا ئاشكرای كرد "ئەمڕۆ دووشەممە رێكەوتی 9ی ئەیلولی 2020 بە ئاراستەی ئەنجامدانی چاكسازی لە دیوانی وەزارەتی دارایی و ئابووری بە ئامادەبوونی بریكاری وەزارەتی پلاندانان و هەردوو رێكخراوی (UNDP) و (USAID) لەگەڵ بەڕێوبەرایەتی گشتی خانەنشینی بە مەبەستی دروستكردنی سیستمێكی تۆماركردنی سەرجەم زانیارییەكان بۆ خانەنشینانی هەرێمی كوردستان كۆبوونەوە.

ئاماژە بەوەشكراوە: "لە كۆبوونەوەكەدا زاگرۆس فەتاح پوختەی سیستمەكە بۆ وەزیری دارایی و ئابووری خرایەڕوو كە چۆن دەستكراوە بە ئامادەكاری بە مەبەستی درووستكردنی سیستمێكی زانیاری پێشكەوتوو بۆ بەڕێوبەرایەتی گشتی خانەنشینی هەرێمی كوردستان. پاشان نوێنەرانی هەردوو رێكخراوەكە ناوەڕۆكی سیستمەكەیان بۆ وەزیری دارایی و ئابووری شیكردەوە و تیشك خرایە سەر گرنگی ئەم سیستمە كە هەنگاوێكی گونجاوە بۆ ئاراستەكانی حكومەتی هەرێم بە ڕووی چاكسازیدا".

بەگوێرەی راگەیەندراوەكە: "وەزیری دارایی و ئابووری ئاوات جەناب نوری ئامادەیی وەزارەتی پیشاندا كە بە پێی توانا هاوكاری تەواو بۆ پێشخستن و بەردەوامی ئەو سیستمە بدات".

وەك وەزارەتی دارایی روونكردووەتەوە، ئەو سیستمە چەند گرنگییەكی بەرچاوی هەیە لەوانەش(نەهێشتنی خانەنشینی دووبارە، دیاریكردنی بڕی شایستەی خانەنشینی و پاراستنی دۆسییەكان) لە هەمان كاتدا رۆتین كەمدەبێتەوە و مامەڵەكانی خانەنشینی خێراتر دەبێت.





ئەم هەواڵە 784جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad