English | عربی | Kurdî دواهەواڵ
ڕاستەوخۆ  
 
نێچیرڤان بارزانی پێشوازی له‌ شێخ نه‌هرۆ که‌سنه‌زانی کرد
2020-11-10 [12:10 PM]

ZNA - هه‌ولێر


 

سەرۆکی هەرێمی کوردستان پێشوازی لە رێبەری تەریقەتی قادریی کەسنەزانی کرد و، ئاماژەی بە ئەرکی قورسی شێخ نەهرۆ و رۆڵی سۆفیگەری لە میانڕەوی و دەرکەوتنەوە لە تووندڕەویی ئایینی کرد.

نێچیرڤان بارزانی، سه‌رۆکی هه‌رێمی کوردستان ئه‌مڕۆ (سیشه‌ممه‌، 10-11-2020) پێشوازی له‌ شێخ نه‌هرۆ محه‌مه‌د عه‌بدولکه‌ریم که‌سنه‌زانی، رێبه‌ری ته‌ریقه‌تی قادریی که‌سنه‌زانی و شاندێکی یاوه‌رێکی کرد.

شێخ محەمەد کەسنەزانی لەتەمەنی 82 ساڵی، بەیانیی رۆژی 4-7-2020 لە ئەمەریکا بەهۆی نەخۆشی کۆچی دواییکرد.

 

دەقی راگەیەندراوی سەرۆکایەتی هەرێمی کوردستان لەبارەی دیدارەکە:

ئه‌مڕۆ سیشه‌ممه‌ ٢٠٢٠/١١/١٠ به‌ڕێز نێچیرڤان بارزانی، سه‌رۆکی هه‌رێمی کوردستان، پێشوازی له‌ به‌ڕێز شێخ نه‌هرۆ محه‌مه‌د عه‌بدلکه‌ریم که‌سنه‌زانی، ڕێبه‌ری ته‌ریقه‌تی قادریی که‌سنه‌زانی و شاندێکی یاوه‌رێکی کرد.

له‌ دیدارێکدا سه‌رۆک نێچیرڤان بارزانی، دووباره‌ پرسه‌ و سه‌ره‌خۆشی ئاراسته‌ی به‌ڕێزیان کرد بۆ کۆچی دواییی خوالێخۆشبوو شێخ محه‌مه‌د عه‌بدلکه‌ریم که‌سنه‌زانیی باوکیان و ڕابه‌ری پێشووی ته‌ریقه‌تی قادریی که‌سنه‌زانی و هاوخه‌می له‌گه‌ڵ خۆیان و خانه‌واده به‌ڕێزه‌که‌یان و مریدان و په‌یڕه‌وانی ته‌ریقه‌ت ده‌ربڕی.

به‌ڕێز سه‌رۆکی هه‌رێمی کوردستان هه‌روه‌ها باسی له‌ ڕۆڵی گرنگی سۆفیگه‌ری له‌ میانڕه‌وی و ناتوندوتیژی و دوورکه‌وتنه‌وه‌ له‌ ده‌مارگیری و توندڕه‌ویی ئایینی و پێکه‌وه‌ژیان و لێبورده‌یی و یه‌کترقبووڵکردن کرد و له‌مباره‌یه‌وه‌ ئاماژه‌ی به‌ ئه‌رکی قورسی جه‌نابی شێخ و ته‌ریقه‌ت دا و ڕێز و پێزانینی بۆ پێگه‌ و ڕۆڵی شێخ و ته‌ریقه‌ت دووپات کرده‌وه‌.

لای خۆیه‌وه‌ به‌ڕێز شێخ نه‌هرۆ که‌سنه‌زانی، وێڕای دووپاتکردنه‌وه‌ی خۆشحاڵیی خۆیان بۆ دیداری به‌ڕێزیان، ئاماژه‌ی به‌‌ نیاز و ئاماده‌کارییه‌کان بۆ سازکردنی کۆنفرانسێک له‌باره‌ی سۆفیگه‌رییه‌وه‌ دا که‌ تیایدا جه‌خت له‌ په‌یامی نه‌رم و میانڕه‌وی و ناتوندوتیژی بکرێته‌وه‌ و له‌ هه‌موو شوێنێکه‌وه‌ میوانی بۆ بانگهێشت بکرێت، سه‌رۆک نێچیرڤان بارزانییش هه‌موو پشتگیری و هاوکارییه‌کی خۆیان و سه‌رۆکایه‌تیی هه‌رێمی کوردستانی بۆ نیشان دا.

له‌ دیداره‌که‌دا به‌ڕێز د. پشتیوان سادق وه‌زیری ئه‌وقاف و‌ کاروباری ئایینی ئاماده‌ بوو.





ئەم هەواڵە 253جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad