English | عربی | Kurdî دواهەواڵ
ڕاستەوخۆ  
 
چارەسەری سروشتی بۆ بەكتریای گەددە
2020-11-11 [03:18 AM]

ZNA ــ هەولێر


 

پێشەكی بەكتریا (H. Pylori) لەئێستا دەتوانرێت لە ڕێگەی كۆرسێكی دەرمانەوە بۆ ماوەی یەك بۆ دوو هەفتە بە ڕێژەیەكی بەرزو سەركەوتوو چارەسەر بكرێت، بەڵام كۆمەڵێك خۆراك و گژوگیای سروشتی هەیە كە بەكارهێنانیان سوودی هەیە بۆ نەهێشتنی ئەم كێشەیە كە گرنگترینیان ئەمانەن : 

1. هەنگوین، دەمێكە سەلـمێنراوە كە هەنگوین توانای لەناو بردنی زۆر جۆر بەكتریاو ڤایرۆسی هەیەو سەلـمێنراوە كە دەتوانێت ئەو بەكتریانەی مقاوەمەیان بە ئەنتی بایۆتێك پەیدا كردووە نەهێڵێت لەگەڵ سوودەكانی تری بۆ نەهێشتنی ئازاری گەددەو دڵەكزێ و قورحەو دڵ تێكەڵهاتن و نیشانەكانی تری ئەم بەكتریا، دەكرێت ڕۆژانە سێ جار پێش نان خواردن بە سەعاتێك یەك یا دوو كەوچكی چێشتی لێ بخورێت. 

2. زەیتی زەیتوون : كاریگەری لە خۆپاراستن و چارەسەری بەكتریای گەددە، هەروەها ڕێگری كردن لە قورحەی گەددە بە هۆی بەكتریای گەددە. 

3. گژوگیای عرق السوس : یارمەتی ڕێگری كردن دەدات لەوەی بەكتریاكە بە دیواری گەددەوە بنووسێت و تووشی هەوكردن و برینی گەددە بێت. 

4. ئەلۆڤێرا : زەیتی ئەلۆڤێرا یان گەڵاكانی یارمەتی وەستانی گەشەی بەكتریای گەددە دەدات، لەگەڵ چارەسەركردنی كێشەكانی كۆئەندامی هەرس دوای تووشبوون بە بەكتریاكە. 

5. پڕۆبایۆتێك : كە بریتین لە بەكتریای بەسوودو بە شێوەی تەواوكەری خۆراكی هەیە، هەروەها لە هەندێك خۆراك هەیە وەك ماست. 

6. چای سەوز : یارمەتی نەهێشتنی بەكتریای گەددەو كەمكردنەوەی گەشەكردنی بەكتریاكە دەدات. 

7. سیر : یارمەتی لەناو بردنی بەكتریای گەددە دەدات بە هۆی بوونی تایبەتمەندی دژە بەكتریاوە. 

8. بڕۆكلی : گەڵا چەكرەكانی بڕۆكلی یارمەتی لە ناوبردن و نەهێشتنی گەشەی بەكتریای گەددە دەدات. 

9. هەندێ گژوگیای تر كە ڕەنگە سوودیان زۆر بێت لە نەهێشتنی بەكتریای گەددە یان نیشانەكانی وەك، زەنجەبیل، زەردەچەوە، گیراوەی تووتڕكی سروشتی، جاترە، گوڵەبەیبوون، شمڵی، بیبەری تون، بەڵام لێكۆڵینەوەی زیاتر پێویستە بۆ سەلـماندنیان. 

10. لە داهاتوودا زانیاری تەواو دەربارەی بەكتریا گەددەو هۆكارو نیشانەو شێوازی چارەسەركردن و ڕێنمایی خۆراك بڵاودەكرێتەوە پشت بە خوای گەورە.

(د. كامەران رەسوڵ ژاژڵەیی – پسپۆڕی زانستی خۆراك)





ئەم هەواڵە 169جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad