English | عربی | Kurdî دواهەواڵ
ڕاستەوخۆ  
 
سلێمانی ... به‌هۆی بوونی جگه‌ری خراپ، خوارده‌مه‌نی كۆدۆ داده‌خرێت
2020-11-12 [09:43 AM]

ZNA - هه‌ولێر


قایمقامیه‌تی سلێمانی له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، بەهۆی هەبونی بڕێکی زۆر گۆشت و جگەری خراپ ونەشیاو بۆ خواردن، لیژنە هاوبەشەکانی قائیمقامیەتی سلێمانی خواردەمەنی کۆدۆ لە سەهۆڵەکە دادەخات.

فریا عوسمان، سەرۆکی لیژنەی چواری قائیمقامیەتی سلێمانی رایگەیاند: بەهۆی پابەند نەبون بە مەرجەکانی تەندروستی و هەبونی بڕێکی زۆر گۆشتی گومانلێکراو و جگەری بەستوی خراپبو، لیژنەکە خواردەمەنی کۆدۆ لە شەقامی سالم (سەهۆڵەکە)ی شاری سلێمانی دادەخات .

وتیشی: پابەندبون بە مەرج و رێنماییەکانی کارکردن بەگشتی و بەتایبەت تەندروستی و ڤێتێرنەری و جێبەجێکردنی رێکارەکانی خۆپارێزی لەو شوێنانەی خواردن و خواردنەوە پێشکەش بە هاوڵاتیان دەکەن بنەمای کارکردنیانە، لەکاتی سەرپێچیکردنیان شوێنەکە ڕوبەڕوی رێکاری یاسایی توند ده‌كرێته‌وه‌.

رونیکردەوە: بەبڕیاری وەزارەتی کشتوکاڵ و بەهۆی خاوبونەوە و چەند بارە بەستنەوەی لەبەفرگردا، هاوردەکردنی جگەری دەرەوە قەدەغەکراوە، بەڵام لە خواردەمەنی کۆدۆ دەست بەسەر بڕێکی زۆر جگەری بەستوی ئێرانیدا گیراوە دوای وردکردنی خراوەتەوە ناو بەفرگر و بەستویەتییەوە جارێکی تر ..

 بەکارهێنانی گۆشتی دوجار بەستو، سەرپێچی کردنە لە رێنماییەکانی ڤێتێرنەری، هەروەها بەکارهێنانی لەناو خوادەمەنییەکانیدا و فرۆشتنی بەنرخی گۆشتی فرێش فێڵی بازرگانییە و یاسا رێگری لێدەکات .

. ئاماژەی بەوەشکرد: بەفەرمانی قائیمقامی سلێمانی خواردەمەنی کۆدۆ دادەخرێت و تەواوی ئەو گۆشت و جگەرە بەستوەی دەستی بەسەرداگیراوە رەوانەی بەرێوەبەرایەتی ڤێتێرنەری دەکرێت بۆ لەناوبردن و خاوەنەکەشی روبەروی رێکاری یاسایی توند دەکرێتەوە.

 

 





ئەم هەواڵە 160جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad