English | عربی | Kurdî دواهەواڵ
ڕاستەوخۆ  
 
كاوار حه‌مید: عەقلیەتەکا مەزن لـ بەغدا هەیە دژایەتیا کوردان دکەن ئەڤ سیستەمێ عیراقێ یێ نوکە نەمینیت و شێوازەکێ دی بکاربینن کو هەرێمێ تایبەتمەندیا خۆ نەبیت
2020-11-12 [06:20 AM]

ZNA - هه‌ولێر


پارێزه‌ره‌ك راگه‌هاند: جارەکا دی هندەك لایەنێن سیاسی یێ گڤاشتن و ئاستەنگان دروست دکەن بۆ هنارتنا پشکەکا کێم ژ مووچەیێن فەرمانبەرێن کوردستانێ یێن کو ژلایێ عیراقێ ڤە دهێنە دان

كاوار حه‌مید باڤی پارێزه‌ر و چافدێرێ سیاسی ب ئاژانسی هه‌واڵی زاگرۆس راگه‌هاند: جارەکا دی هندەك لایەنێن سیاسی یێ گڤاشتن و ئاستەنگان دروست دکەن بۆ هنارتنا پشکەکا کێم ژ مووچەیێن فەرمانبەرێن کوردستانێ یێن کو ژلایێ عیراقێ ڤە دهێنە دان، و بـ گرتنا هندەك بەهانەیێن لاواز، بەلێ ئەز د ئەوێ باوەرێ دا نینم کو بهانەیێن ئەوان راستن یان برینا مووچەی ژبەر هندێ بیت، بەلکو ژبەرکو عەقلەك لـ عیراقێ هەیە هەبوونا کوردان و کوردستانێ پێ نەخۆشە و بـ هەمی رویەکی ڤە دژایەتیێ دکەن و ئەڤە زێدەتری ١٠٠ سالن عیراق بوویە دەولەت خۆدانێن خۆ و ئەوی عەقلی بەردەوام دژایەتیا کوردان کریە و لـ هەمی قوناغێن مێژوویێ.

پارێزه‌ر كاوار گوتژی: پشتی شەرێ ئازادیا عیراقێ رێژەیا بودجەیا کوردستانێ بـ 17% هاتبوو خەملاندن و د هەمی قوناغان دا ئەڤ رێژە نەهاتیە و هەتا گەهشتیە ئەوی رادەیی ئێدی پشکەکا کێم یا مووچەی بهنێرن و نوکە لـ بەره‌ ئەوێ ژی و ئەگەر نوکە ژی هەرێم هەمی گازێ رادەست بکەتن د ئەوێ باوەرێ دا نینن عیراق یا پێگیر بیت ژبەرکو ئێك بارێ ئابووری یێ عیراقێ زۆرێ لاوازە و ئەو نەشێت مووچەیێن خۆ بدەتن و دیسان نەشێن ژبەر هەڤرکیێن لـ عیراقێ هەین چاکسازیان ژی بکەتن.

ل دیماهیێ دیاركر: عەقلیەتەکا مەزن لـ بەغدا هەیە دژایەتیا کوردان و کوردستان ژ بەرەبابێن وان بوو مایە و بەردەوام هەر دەلیڤەیە بۆ هاتە پێش ژ دەست نادەن و دووپات دکەن وەکی یا دوهی ئەنجام دایی، و بتنێ ئەوان دڤێت هەرێم خۆ رادەست بکەتن و ئەڤ سیستەمێ عیراقێ یێ نوکە نەمینیت و شێوازەکێ دی بکاربینن کو هەرێمێ تایبەتمەندیا خۆ نەبیت.





ئەم هەواڵە 244جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad