English | عربی | Kurdî دواهەواڵ
ڕاستەوخۆ  
 
دکتۆرە چنار سعد: ڕووداوەکان پێمان دەڵێن ئیتر کاتی هاتووە
2020-11-14 [09:30 AM]

ZNA-هەولێر


 

 دکتۆرە. چنار سعد عبداللە، ئەندامی ئەنجومەنی سەرکردایەتی پارتی دیموکراتی کوردستان بەئاژانسی هەواڵی زاگرۆسی راگەیاند: بۆ دەستەبەرکردنی موچەو ژیانی هاوڵاتیان ، پشت بە داهات و سەرمایە ناوخۆییەکان  ببەستین و نیشانی بدەین کە  دەتوانین بەبێ مننەتی ئەم و ئەو ، بەکەرامەتەوە میللەت بژیەنین، لە کێشەو هەڕەشەکانی سەر هەرێمی کوردستاندا ، سەر بە هەر پارت و لایەنێک بین ، هاوڕاو هاودەنگ دەبین.

دکتۆرە چنار گووتی: کات هاتووە پڕۆسەی چاکسازی ڕاستەقینە ئەنجام بدرێت و بەرژەوەندی باڵای گەل ببێتە ئامانجی سەرەکی  ، سنوور بۆ بەرژەوەندییە تەسک و کەسییەکان دابندرێت، کات هاتووە ئیتر لەبری هێرش و هاشوهوشی میدیایی بۆسەریەکتری ، بە پلانێکی نیشتیمانی گشتگیر ، وەک تەحەددا،  کوردستان ئاوەدانتر و بەرەو پێشتر ببرێت.

هەروەها دکتۆرە. چنار سعد عبداللە، ئەندامی ئەنجومەنی سەرکردایەتی پارتی دیموکراتی کوردستان ئەوەشی بۆ ئاژانسی هەواڵی زاگرۆسی خستەروو گووتی: ئەزموونی چەندساڵی ڕابردووی بڕینی بودجەی هەرێم لەلایان بەغدا، شەڕی تیرۆریستانی داعش ، سەلماندی کە هاوڵاتیانی کوردستان تحملی دواکەوتنی موچە و کەمکردنەوەی موچەو دابەزینی ئاستی داهات دەکەن ، تەنها لەپێناوی ژیانێکی شەڕافەتمەندانە و سەربەرزانە لەناو قەوارەی هەرێمی کوردستاندا،  کاتی ئەوە هاتووە کە بەرژەوەند خواز و هەلپەرستەکانی ئەو ووڵاتەش کەمێک پشت لە تەماحە تێرنەبووەکانیان بکەن ، تاکو ناچار نەبین  لەبری دەست ماچکردنی هاوڵاتیانی کوردستان  ، دەستی بەغدا ماچ بکەین، کاتی ئەوە هاتووە لەبەهێزی دا پەیوەندییەکانمان لەگەڵ بەغدا و دۆست و دراوسێکان بنیاد بنێینەوە، نەک لەپێگەی لاوازی دا،کاتی ئەوە هاتووە بۆ هەموو ئەوانە چیتر کات بەفیڕۆ نەدەین.

 

دڵشاد یونس هەرکی





ئەم هەواڵە 778جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad