English | عربی | Kurdî دواهەواڵ
ڕاستەوخۆ  
 
فیلمی "هەتاو" بۆ نوێنەرایەتیکردنی ئێران لە ئۆسکار هەڵبژێردرا
2020-11-12 [11:00 AM]

ZNA - تاران


فیلمی سینەمایی "هەتاو" لە دەرهێنانی مەجید مەجیدی و لە وێنەگرتنی سینەماکاری کورد هوومەن بێهمەنێش، بۆ نوێنەرایەتیکردنی سینەمای ئێران لە بۆ خەڵاتی ئۆسکاری 2021 لەلایەن ئەو وڵاتەوە هەڵبژێردرا.

 

لێژنەی ناساندنی نوێنەری سینەمای ئێران بە ڕێوڕەسمی ئۆسکار، دوای چەندین کۆبوونەوەی بەردەوام، فیلمی سینەمایی "هەتاو" (خورشید) بۆ بەربژێربوون بۆ ئەو خەلاتە هەڵبژارد.

 

دکتۆر رائید فەریدزادە سکرتێر و وتەبێژی لێژنەی ناساندنی فیلمی ئێرانی بە ئۆسکار گوتی: کاری ئەم لێژنەیە، بە لەبەرچاوگرتنی گۆڕینی یاساکانی ئۆسکار، باشترین فیلم کە بە زمانی بیانی و جگە لە زمانی ئینگلیزی سازکراون و گۆڕینی مۆڵەتی کاتی بەشداریی لەم خولەدا، بە هۆی بڵاوبوونەوەی ڤایرۆسی کۆڕۆنا، بە هەڵسەنگاندنی 90 فیلم کە لە وڵاتی ئێران نمایش کراون، دەستی پێکرد و پاشان ئەندامانی لێژنەی هەڵبژاردن بە لیستێکی هاوبەشی 12 فیلمی گەیشتن.

 

گوتیشی: لە درێژەدا، ئەندامانی لێژنەی ناساندنی نوێنەری سینەمای ئێران بە ڕێوڕەسمی ئۆسکار، بە دووبارە خوێندنەوەی یاسا و رێساکان و هەڵسەنگاندنی پسپۆڕانەی فیلمەکان و دوای وەرگرتنی دەنگەکان و کۆکردنەوەی بیرووڕاکان، لە نێوان سێ فیلمی سینەمایی "هەتاو" لە دەرهێنانی مەجید مەجیدی، "داری گوێز" لە دەرهێنانی محەمەد حوسێن مەهدەویان و "یەلدا" لە دەرهێنانی مەسعوود بەخشی، فیلمی سینەمایی "هەتاو" لە دەرهێنانی مەجید مەجیدییان وەکوو بەرهەمی کۆتایی هەڵبژارد و ئەم بەرهەمە بە واژۆی ئەم لێژنەیە، بە ناونیشانی نوێنەری سینەمای ئێران بە ڕێوڕەسمی ئۆسکاری ساڵی 2021 ناسێندرا.   

 

مەنسوور جیهانی





ئەم هەواڵە 124جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad