English | عربی | Kurdî دواهەواڵ
ڕاستەوخۆ  
 
دیاکورد: پێویستە پەرلەمانی عێراق ڕێز لە دەستوور و مافەکانی گەلی کورد بگرێت
2020-11-15 [06:33 AM]

ZNA-هەولێر


 کۆمیتەی دامەزراندنی کۆنفیدراسیۆنی کوردانی دیاسپۆرا (دیاکورد) ڕایگەیاند، پەرلەمانی عێراق بە دەنگی پەرلەمانتارانی شیعە و سوونە بڕیارێکی نایاسایی دژ بە مافەکانی هاووڵاتیانی هەرێمی کوردستان داوە. ئەو بڕیارە کە لە ١٢/١١/٢٠٢٠ دەرچووە، بە ئاشکرا پێشێڵکردنی پەیمانی پێکهاتەکانی عێراق و دەستووری ئەم وڵاتەیە.

کۆمیتەی دامەزراندنی کۆنفیدراسیۆنی کوردانی دیاسپۆرا (دیاکورد ڕاگەیاندراوێکی بلاوکردووەتەوە کە دانەیەکیان بۆ ماڵپەری فەرمیی پارتی دیموکراتی کوردستان ناردووە و،  تێیدا هاتووە، بڕیارەکە جارێکی تر پرسی داهاتووی دانیشتوانی پارێزگاکانی هەولێر و سلێمانی و دهۆک و هەڵەبجە و، هەروەها بارودۆخی هەرێمی کوردستان بە گشتیی و ڕێککەوتنی لایانەکانی کوردی و عەرەبی هێنایەتە ژێر پرسیار. زۆر ئاشکرایە کە ئەم جارەش بەشی کورد لە داهات و بودجەی عێراق، کە لە دەستوور و ڕێککەوتنی پێکهاتەکاندا مسۆگەر کرابوو، بۆ جارێکی تر لە لایەن نوێنەرانی عەرەبەوە پێشێلکراوە. دیارە نوێنەرانی عەرەب لە عێراق هێشتا کورد بە هاووڵاتیی مافدار لەم وڵاتە نابینن و دەیانەوێت بە پێشێلکاری و هەڕەشە دژی بەرژەوەندییەکانی هەرێمی کوردستان بووەستنەوە.

لە رایگێنراوەکەشدا ئەوە هاتووە، ئەو لایەنانەی ئێستا بڕیار لە دژی گەلی کورد دەردەکەن هەرگیزنابێت لەبیر بکەن کە عێراقی ئێستا بە هاوکاری و فیداکاریی لایەنە کوردییەکان بووژایەوە. هەر وانابێت هەرگیز ئەوە لە بیر بکەن کە لە ٢٥ی ئەیلولی ٢٠١٧ گەلی کورد خواستی خۆی بۆ سەربەخۆیی کوردستان دەربڕیووە و کاتێک کە ڕێککەوتنی دوو نەتەوە و مافی هاووڵاتیان مسۆگەر نەکرێت، لایەنەکانی کوردی بە پێی خواستی گەلەکەمان هەنگاو دەنێن.

لە بەشیكی تریش دا ئاماژەداوە، ئێمە داوا لە هەموو پەرلەمانتارانی کورد و سەرجەم ڕێکخراوە سیاسییەکانی هەرێمی کوردستان دەکەین بە یەکدەنگی و یەکهەڵوێستی دژی ئەم بڕیارەی پەرلەمانی عێراق بجووڵێنەوە. ویست و ئیرادەی گەلی کورد نابێ بە هیچ مەرجێک تەسلیمی هەڕەشەی پێکهاتەکانی تری عێراق و دەستێوەردانەکانی دەرەکی بکرێت.

لە کۆتایشدا هاتووە، دیاکورد لەم پرسیارە هەستیارەدا پشتگیرییەکی بەهێز بۆ دەزگا فەرمییەکانی هەرێمی کوردستان دووپات دەکاتەوە واتە پەرلەمان و حکوومەت و سەرۆکایەتیی هەرێمی کوردستان.





ئەم هەواڵە 196جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad