English | عربی | Kurdî دواهەواڵ
ڕاستەوخۆ  
 
دڤێت ب هەبوونەکا ب ھێزڤە ھەر ل بەغدا بمینین و بەرگریێ ژ بەرژەوەندیێن دستوری یێن ھەرێما کوردستانێ بكەین، ڤەكێشان د بەرژەوەندیا كوردان دا نینە
2020-11-15 [04:19 AM]

ZNA - ھەولێر


مامۆستایه‌كێ زانکۆیێ راگه‌هاند: مادەم ئەم پشکەكین ژ عیراقێ و مە بریارا سەربەخۆیێ نەدایە، دڤێت ب هەبوونەکا ب ھێزڤە ھەر ل بەغدا بمینین و بەرگریێ ژ بەرژەوەندیێن دستوری یێن ھەرێما کوردستانێ بكەین، هەروەسا نابیت بەغدا بۆ حەشدا شەعبی و ئیرانێ بجهبهێلین، دیسان نوکە كوردان كارتەکا وەسا یا بھێز ل بەردەست نینە، هەتا بشێن ب ڤەكێشانێ فشارێ ل سەر بەغدا دروست بكەن.

د. نەوزاد هێتۆتی، مامۆستایێ زانستێن سیاسی ل زانکۆیا سەلاحەدین، ب ئاژانسی هه‌واڵی زاگرۆس راگه‌هاند: مادەم ئەم پشکەكین ژ عیراقێ و مە بریارا سەربەخۆیێ نەدایە، دڤێت ب هەبوونەکا ب ھێزڤە ھەر ل بەغدا بمینین و بەرگریێ ژ بەرژەوەندیێن دستوری یێن ھەرێما کوردستانێ بكەین، هەروەسا نابیت بەغدا بۆ حەشدا شەعبی و ئیرانێ بجهبهێلین، دیسان نوکە كوردان كارتەکا وەسا یا بھێز ل بەردەست نینە، هەتا بشێن ب ڤەكێشانێ فشارێ ل سەر بەغدا دروست بكەن، لەوما دبیت ئەڤا عەرەبان کری پیلانەک بیت بۆ هندێ کو كورد خوە ژ پرۆسا سیاسی یا عیراقێ ڤەکێشن، چونكی دێ ئیران و هەڤالبەندێن وێ سەركەفتی ترین لایەن بن ژ ئەگەرێ ڤەكێشانا كوردان.

هه‌روه‌ها گۆت ژی: ڤەكێشانا كوردان، دێ هندێ دی زێدەتر پێگەهێ كوردان د ھەڤكێشا سیاسیێن عیراقێ و ڤێ دەڤەرێ دا لاواز كەت، كوردان چ كارتێن فشارێ نینن، داکو ل دەمێ ڤەكێشانێ ل دژی بەغدا ب كار بینیت، دیسان ل دەمێ ڤەکێشانێ دا دڤێت كوردان سیاسەتەکا روون و ئاشكرا ھەبیت، کو وان دڤێت چ بكەن و ئەلتەرناتیڤ چییە؟، چونکی هەتا نوکە ئەو ئەلتەرناتیڤە نینە، ڤەكێشانا كوردان دێ پتر پێگەهێ ئیرانێ و ھەڤپەیمانێن وی بھێزتر لێ کەت و دوور نینە بریارێن دیتر ژی بدەن بۆ زێدەتر لاواز كرنا ھەرێمێ، هەکە کورد ل بەغدا نەبن.

دز نه‌وزاد دبێژیت: ڤەكێشانا كوردان دێ بیتە ئەگەرێ لاوازكرنا پێگەهێ حوکمەتا كازمی، ئەڤە ژی ئەوە یا ئیرانێ و هەڤالبەندێن وێ دڤێت، چونكی نوکە ئەگەرەك هەیە بۆ رێككەفتنا دناڤبەرا ھەرێمێ و حوکمەتا كازمی دا، دیسان دبیت ڤەكێشانا كوردان ببیتە دەستپێکا ھەلوەشاندنا حوکمەتا كازمی، ئەڤە ژی ئەوە ئەوا یا ئیرانێ و هەڤالبەندێن وێ دڤێت، چونكی شیعە یێ ھەموو بزاڤان دکەن حوکمەتا كازمی بروخینن، لەوما ب ڤەكێشانا كوردان دێ كارێ وان ب ساناهیتر لێ هێت.

ل دووماهیێ ئاشکرا کر ژی: كورد د ئێکگرتی نینن، ژ ئەگەرێ ڤەكێشانا كوردان دێ ناكوكیێن زێدەتر دناڤبەرا كوردان دا دروست بن، دێ نیڤەک خوە ڤەكێشن و نیڤا دیتر دێ میننە ل بەغدا و دێ ب ناڤێ كوردان ئاخڤن، ئەڤە ژی دێ بیتە کێشەکا مەزن، دیسان هێشتا نوکە ئەمریكا یا مژوولە ب هەلبژارتنان ڤە، دبیت وەكو پێدڤی هەتا ھاتنا سەرۆکێ نوو فشاران ل سەر بەغدا دروست نەكەت.





ئەم هەواڵە 226جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad