English | عربی | Kurdî دواهەواڵ
ڕاستەوخۆ  
 
ترەمپ: من هەڵبژاردنەكانم بردەوە
2020-11-16 [07:43 AM]

ZNA- هەولێر


رۆژی یەکشەممە دۆناڵد ترەمپ لە توویتێکدا لە بارەی جۆ بایدن رایگەیاند "ئەو هەڵبژاردنەکانی بردەوە، چونکە ساختەکاری لە هەڵبژاردنەکاندا کردبوو"،  میدیای ئەمریکا توویتەکەیان قۆستەوە و بە یەکەمین دانپێداننانی ترەمپ بە سەرکەوتنی بایدن و شکستی خۆی لێکیاندایەوە

بەڵام لە کاردانەوەی ئەوەدا ترەمپ توویتێکی دیکەی کرد و رایگەیاند "ئەو" واتە جۆ بایدن "تەنیا لە چاوی میدیای هەواڵی ساختەدا هەڵبژاردنەکانی بردووەتەوە، من دان بە هیچ دانانێم ئێمە رێگەیەکی دوور و درێژمان لە پێشە، ئەمە هەڵبژاردنێکی ساختەکراو بوو."

هەرچەندە جۆ بایدن بە ژمارەی دەنگ و خاڵی ئەنجوومەنی هەڵبژێردراو لە پێش ترەمپەوەیە، بەڵام ترەمپ هێشتا ئامادە نییە دان بە سەرکەوتنی بایدن و شکستی خۆی لە هەڵبژاردنەکەی سێی تشرینی دووەمدا بنێت، لە دوایین توویتیشی کە ئەم بەیانییە بە کاتی هەولێر کردوویەتی دەڵێت: "من هەڵبژاردنەکانم بردەوە".

روودی جولیانی، پارێزەری تایبەتی ترەمپ، لە دیمانەیەکی تەلەڤزیۆنیدا رەتیکردەوە هیچ توویتێکی ترەمپ بە واتەی دانپێداننان بێت بە سەرکەوتنی بایدنی رکابەری.

جولیانی، سەرکردایەتیی تیمی یاسایی ترەمپ دەکات بۆ تۆمارکردنی سکاڵا دژی ئەو شتەی کە سەرۆکی ئەمریکا بە "ساختەکاری هەڵبژاردن" ناوی دەبات

 

 





ئەم هەواڵە 73جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad