English | عربی | Kurdî دواهەواڵ
ڕاستەوخۆ  
 
حاكمی ویلایەتی نیویۆرک دژی قسەكانی ترەمپ هاتەدەنگ و هەڕەشەی تۆماركردنی سكاڵا دەكات
2020-11-16 [08:31 AM]

​ZNA- هەولێر


ترەمپ رایگەیاندبوو، ڤاكسین بەردەست دەبێت و بەسەر هەموو ویلایەتەكان دابەش دەكەین تەنها ویلایەتی نیویۆرك نەبێت، لەوەڵامدا، ئەندرو مارك کومۆ، حاکمی ویلایەتی نیویۆرک هەڕەشەی تۆمارکردنی سكاڵا دژی ئیدارەی ترەمپ دەکات ئەگەر ڤاکسینی کۆرۆنا بە یەکسانی دابەشنەکرێت.

حاکمی نیویۆرک دەڵێت ئەگەر ڤاکسینی کۆرۆنا لە ماوەی ئیدارەی ترەمپدا پەسەندبکرێت و بە یەکسانی دابەشنەکرێت بەسەر هەموو ویلایەتەکاندا، هیچ بژارەیەکی دیکەیان لە بەردەستدا نابێت جگە لە گرتنەبەری رێکاری یاسایی

رۆژی هەینی رابردوو، دۆناڵد ترەمپ رایگەیاندبوو، لە ماوەیەکی نزیکدا ڤاکسینی دژە کۆرۆنا بۆ سەرانسەری وڵات دابین دەکەن، تەنیا ویلایەتی نیویۆرک نەبێت، چونکە بەگوتەی سەرۆکی ئەمریکا، حاکمی ویلایەتەکە لەبەر چەند هۆکارێکی سیاسیی نەیویستووە زوو ڤاکسینی کۆرۆنا لە ویلایەتەکەیدا دابەشبکرێت.  

بەڵام حاکمی نیویۆرک بەڵێندەدات کە دانیشتووانی ویلایەتەکەی بپارێزێت و لەپێناو بەیەکسانی دابەشکردنی ڤاکسین، بجەنگێت

 ئەندرو کومۆ گوتی: "ڤاکسینێک بەڕێوەیە ئەمە هەواڵێکی زۆر گەورەیە، بەڵام راپرسییەکان نیشانیدەدەن 50%ی خەڵکی دەڵێن ڤاکسینەکە بەکارناهێنن، ئەگەر ئەمڕۆ بەردەستبێت چونکە ئەوان متمانەیان پێنەماوە ئەوەش بەهۆی ئەوەی کە ئەم حکومەتە فیدڕالییە پڕۆسەکەی بە سیاسی کردووە".

 

 





ئەم هەواڵە 85جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad