English | عربی | Kurdî دواهەواڵ
ڕاستەوخۆ  
 
یاداشتی یەکێتی قوتابیانی کوردستان بۆ وەزارەتی خوێندنی باڵا و توێژینەوەی زانستی.
2020-11-16 [11:59 AM]

ZNA - ھەولێر




سڵاوی زانست و خەبات....

لە سۆنگەی ھەست کردن بە بەرپرسیارییەتی بەرامبەر بە توێژی قوتابیان و لە پێناو باشترکردنی پرۆسەی خوێندنی باڵا بۆ ساڵی خوێندنی (٢٠٢٠_٢٠٢١)، لەم خاڵانەی خوارەوە بەشێک لە کێشە و گیروگرفتەکانی بەردەم پرۆسەی خوێندنی ئەمساڵ و پێشنیاری چارەسەرکردنیان، دەخەینەڕوو: 

١. دوای راگەیاندنی ناوی قوتابیانی دەرچووی پۆلی (١٢) بۆ زانکۆ و پەیمانگەکانی ھەرێمی کوردستان بەشێکی قوتابیان (وەرگیراو و وەرنەگیراو) , بەپێی نمرەکانیان مافی خۆیان بەدەست نەھێناوە. بۆ ئەم مەبەستە داواکارین بەپێی نمرەکانیان، مافیان بۆ بگەڕێندرێتەوە . 
٢. چارەسەری کێشەی قوتابیانی وەرگیراو بە کۆنمرەیەکی بەرز لە بەشەکانی (پەیمانگای تەکنەلۆجی ھەولێر و پەیمانگای تەکنیکی شەقلاوە) سەر بە زانکۆی پۆلیتەکنیکی ھەولێر بکرێت، بە ھۆی ھاتنی ناوی بەشەکان لە سیستەمی زانکۆلاین وەکو کۆلێژ نەک پەیمانگا.
٣. کرێی خوێندنی پارالێل و ئێواران بەشێوەی (زیاتر لە دوو قیست)، لێیان وەربگیرێت. 
٤. قوتابیانی زانکۆ و پەیمانگە ناحکومیەکان داشکاندنیان بۆ بکرێت و بڕی پارەی ماوە بە چەند قیستێک لێیان وەربگیرێت .
٥. قوتابیانی خوێندنی باڵا (دبلۆمی باڵا، ماستەر و دکتۆرا) ھاوشێوەی قوتابیانی (بەکالۆریۆس و دبلۆم)، بەشە ناوخۆییان بۆ دابین بکرێت. 
٦. قوتابیانی قۆناغی یەکەم ھاوشێوەی قۆناغەکانی تر، مافی سوود وەرگرتن لە سیستەمی (میوانداری)یان پێبدرێت. 
٧. بە رەچاوکردنی مەرج و رێنماییەکان و بە بێ درووستکردنی کاریگەری نەرێنی لەسەر کوالێتی خوێندن، کارئاسانی بۆ رایی کردنی مامەڵەی یەکسانکردنی بڕوانامەکانی دەرەوەی وڵات، بکرێت. 
٨.  داواکارین بۆ ئەم ساڵی خوێندنی (٢٠٢٠_٢٠٢١)، دەرفەتی خوێندنی باڵا بدرێت بە ئارەزوومەندانی (دبلۆمی باڵا، ماستەر و دکتۆرا) لە زانکۆکانی ھەرێمی کورستان . 
٩. شێوازی خوێندنی ئەمساڵ لە پەیڕەوکردنی سیستەمەکانی (ناو پۆل یان ئاوێتە) بە شێوەیەک بێت کە زامنی سەلامەتی گیانی قوتابیان بکات، و بۆ سەرجەم بەشە ھاوشێوەکان لە سەرجەم زانکۆیەکانی ھەرێمی کوردستان ھاوتا بکرێت.
١٠. دەرفەتی خوێندن لە زانکۆ و پەیمانگاکانی ھەرێمی کوردستان بۆ قوتابیانی ناوچە کوردستانییەکانی دەرەوەی ئیدارەی ھەرێم و کوردانی پارچەکانی تری کوردستان، بڕەخسێندرێت.

لەگەڵ رێزدا...
                                                                
یەکێتی قوتابیانی کوردستان
مەکتەبی سکرتاریەت
٧ / ١١ / ٢٠٢٠





ئەم هەواڵە 274جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad