English | عربی | Kurdî دواهەواڵ
ڕاستەوخۆ  
 
ترەمپ داوای هێرشکردنە سەر دامەزراوە ئەتۆمییەکانی ئێرانی کردووە
2020-11-17 [07:27 AM]

ZNA – هەولێر


دۆناڵد ترەمپ، سەرۆکی ئەمریکا داوای لە راوێژکارانی کردووە، بژاردەی هێرشکردنە سەر دامەزراوەی سەرەکی ئەتۆمی ئێران هەڵدەبژێرێت و دواتر راوێژكارەكان رازیان كردووە بەوەی كارێكی مەترسیدارە.

رۆژنامەی نیویۆرک تایمزی ئەمەریکی لە چەند بەرپرسێكی باڵای ئەمەریکییەوە گواستویەتەوە و دەڵێت، هەفتەی رابردوو دۆناڵد ترەمپ لە کۆبوونەوەیدا لەگەڵ گەورە یاریدەدەرانی بۆ ئاسایشی نیشتمانی، داوای بژاردەی هێرشکردنە سەر دامەزراوە ئەتۆمییەکانی ئێرانی کردووە، بەڵام راوێژکارەکان ترەمپیان رازی کردووە بەوەی هەنگاوێکی لەو شێوەیە، دەبێتە هۆی هەڵگیرسانی شەڕێکی گەورە لە ناوچەکە، لە کۆتاییشدا ترەمپ رازی بووە، ئەو هەنگاوە نەنێت.

کۆبوونەوەکە رۆژی سێشەممەی رابردوو لە کۆشکی سپی کراوە، ئەمەش پێش رۆژیک بووە لە بڵاوبوونەوەی راپۆرتی ئاژانسی نێودەوڵەتی وزەی ئەتۆم، کە ئاماژەی بەوە کردووە ئێران پێشێلی رێککەوتنی ئەتۆمی کردووە.

بەرپرسەکان بە نیویۆرک تایمیزیان گوتووە: ترەمپ رەنگە بەردەوام بێت لە پلاندانان بۆ هێرشکردنە سەر هاوپەیمانان و بەرژەوەندییەکانی ئێران، بۆ نموونە میلیشیاکانی (سەر بە ئێران) لە عێراق.

 





ئەم هەواڵە 268جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad