English | عربی | Kurdî دواهەواڵ
ڕاستەوخۆ  
 
روحانی: دەوڵەتی ئایندەی ئەمریکا ناچارە سزاکانی سه‌ر ئێران هەڵبوەشێنێتەوە
2020-11-18 [02:13 AM]

ZNA - هه‌ولێر


 

حەسەن ڕۆحانی سه‌رۆكی كۆماری ئێران رایگەیاند، بۆ قەرەبووکردنەوەی زیانی پەتای کۆرۆنا یەک لە سەر سێی هاووڵاتییان پارەی یارمەتیی تایبەت بەو پەتایە وەردەگرن، وتیشی، دەوڵەتی ئایندەی ئەمریکا ناچارە سزاکان هەڵبوەشێنێتەوە و دەرفەتێک دەڕەخسێت بۆ باشتربوونی دۆخی ئابووری.

ئه‌مڕۆ چوارشەممە حەسەن ڕۆحانی سەرۆککۆماری ئێران لە دانیشتنی هەفتانەی ئەنجومەنی وەزیراندا ئاماژەی بەو یاسایە کرد کە بڕیارە لە ڕۆژی شەمەوە تایبەت بە پەتای کۆرۆنا لە ئێران جێبەجێ بکرێت و داخران و سنووردارکردنی چالاکیی بەشێکی زۆر لە جەماوەری کۆمەڵگا دەگرێتەوە.

ڕۆخانی لەو بارەیەوە ڕایگەیاند بڕیاریان داوە بە بڕی 100 هەزار تمەن بۆ یەک لە سەر سێی هاووڵاتییان تەرخان بکەن کە بە هۆی سنووردارکردنی چالاکییەکان لە کاتی بڵاوبوونەوەی پەتای کۆرۆنا زیانیان لێکەوتووە.

ڕۆحانی گوتیشی دەوڵەت هەوڵ دەدات ئازار و سەختیی ئابووریی ژیانی هاووڵاتییان کەم بکاتەوە و لەم قۆناغەی بڵاوبوونەوەی کۆرۆنا کە هاوکات دەوڵەتی ئێران لە ژێر گوشاری سزای ئابووریی ئەمریکادایە هەموو دەرفەتەکان بەکار دەهێنن بۆ ئەوەی باری ژیانی هاووڵاتییان سووک بکەن.

سەرۆککۆماری ئێران ئاماژەی بە سزا ئابوورییەکانی ئەمریکا دژی ئێران کرد و ڕاشیگەیاند دەوڵەتی ئایندەی ئەمریکا ناچارە سزاکان هەڵبوەشێنێتەوە و دەرفەتێک دەڕەخسێت بۆ باشتربوونی دۆخی ئابووری.

 

کوردپرێس





ئەم هەواڵە 121جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad