English | عربی | Kurdî دواهەواڵ
ڕاستەوخۆ  
 
سەرۆکی دیوانی ئەنجومەنی وەزیران بەنوێنەرایەتی سەرۆکی حکومەت، لەدیوانی پارێزگا، کۆبوونەوەیەکی فراوانی ئەنجامدا
2020-11-22 [10:20 AM]

ZNA_ هەولێر


                        

سەرلەبەیانی ئەمڕۆ یەکشەمە 2020.11.22، بەسەرپەرشتی د.ئومێد سەباح، سەرۆکی دیوانی ئەنجومەنی وەزیران ونوێنەری سەرۆکی حکومەتی هەرێمی کوردستان، بە ئامادەبوونی هێمن قادر، پارێزگاری هەولێر بەوەکالەت و مەسعود کاڕەش، جێگری پارێزگاری هەولێر، لەدیوانی پارێزگا، کۆبوونەوەیەکی فراوانی لەگەڵ سەرجەم قایمقام و بەرپرسانی ئەمنی و بەڕێوەبەرەگشتییەکانی سنووری پارێزگای هەولێر ئەنجامدا.                      

لەسەرەتای کۆبوونەوەکەدا دوای دەقیقەیەک وەستان بۆ گیانی پاکی شەهیدان و خوالێخۆشبوو د.فەرسەت سۆفی و خوێندنی سورەتی فاتیحا، نوێنەری سەرۆکی حکومەتی هەرێمی کوردستان، ڕایگەیاند: "لەدەستدانی د.فەرسەت سۆفی، خەسارەتێکی گەورە بوو بۆ حکومەتی هەرێمی کوردستان و هەموو لایەک بەتایبەتی شاری هەولێر، گیان لەدەستدانی هەموومانی خەمبار و تازیبارکرد، بەمبۆنەیەوە جارێکیتر پرسەو سەرخۆشی لەخۆمان و خانەوادەی و هاوکارانی دەکەین، دواتر نوێنەری سەرۆکی حکومەتی هەرێمی کوردستان، باسی لەو هەنگاو و کارانە کرد کە پارێزگاری کۆچکردوو لەبەرنامەی کاریدا دابوون بۆ خزمەتکردن و گەیاندنی خزمەتگوزاری بەهاوڵاتییانی شاری هەلێر، لەوبارەیەوە تیشکی خستەسەر ئەوەی پێویستە لەمەودوا بەهەمان ڕوحیەت و دڵسۆزی و لەخۆبردویەوە لەسەر ڕێگای خوالێحۆشبوو بەردەوامی بەکارەکان بدرێت، بۆئەومەبەستەش وەک سەرۆکایەتی حکومەتی هەرێمی کوردستان ئامادەیین هەموو هاوکاری و پاڵپشتییەکتان پێشکەشبکەین، لەوبارەیەوە وتی، "گرنگ ئەوەیە بەهەموولایکمان نەهێڵین هیچ کەلێنێک لەکارەکان دروست بێت".             

پاشان لەلایەن پارێزگاری هەولێر بەوەکالەت، سوپاس و ستایشی ڕێزدار جەنابی مەسرور بارزانی، سەرۆکی حکومەتی هەرێمی کوردستان و بەڕێز د.ئومێد سەباح، سەرۆکی دیوانی ئەنجومەنی وەزیران کرا بۆ هەموو ئەو پاڵپشتی و هاوکارییەی کە لە ڕابردوو و لەئێستادا لە پارێزگای هەولێر کردوویانە، وەکو تیمی پارێزگا و تەواوی یەکە ئیدارییەکان و سەرجەم فەرمانگەکانی سنووری پارێزگای هەولێریش دڵنیاییدا هەروەک چۆن لەڕابردوودا شانبەشانی خوالێخۆشبوو د.فەرسەت سۆفی کارەکان ڕاییکراوە، بۆلەمەودواش وەک یەکتیم هەموو هەوڵەکانی خۆمان دەخەینەگەڕ و  بەهەمان دڵسۆزی و شەونخونی و گەرم و گوڕییەوە کاردەکەین بۆ درێژەدان بەپلان و کارو بەرنامەکانی د.فەرسەت سۆفی و گەیاندنی خزمەتگوزاری و خزمەتکردنی هاوڵاتییانی پایتەختی هەرێمی کوردستان و ڕێگەنادەین هیچ کەلێنێک لەکارەکاندا ڕوبدات.                                                      
                                       

ڕاگەیاندنی پارێزگای هەولێر
         2020.11.22





ئەم هەواڵە 460جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad