English | عربی | Kurdî دواهەواڵ
ڕاستەوخۆ  
 
قژ هەڵوەرین نیشانەی توشبوونە بەم نەخۆشییانە
2020-11-26 [03:46 AM]

ZNA ــ هەولێر


قژ هەڵوەرین یەكێكە لە كێشە تەندروستییە باوەكان و كەسانێكی زۆر لەسەر ئاستی جیهان گیرۆدەی بوون بەدوای چارەسەری گونجاودا دەگەڕێن، پسپۆڕانی تەندروستیش ئاشكرای دەكەن، قژ هەڵوەرین هێما بۆ توشبوون بە چەند كێشەیەكی تەندروستی دیكە.

 

 
گۆڤارێكی ئەڵمانی لەزاری چەند پسپۆڕێكی ئەو وڵاتەوە زانیاری نوێی لەسەر قژ ڕووتانەوە ئاشكراكردوو و بۆ هۆكارێكی دادەنێت بۆ توشبوون بە چەند نەخۆشی و كێشەیەكی تەندروستی.

 

ئەو گۆڤارە كە گرنگی بە بابەتەكانی تەندروستی جوانكاری دەدات لە ڕاپۆرتێكیدا دیاترین هۆكارەكانی قژ ڕووتانەوە باس كردووە كە بریتیین لە كەمبونەوەی ڤیتامین و كانزاكانی لەش بە تایبەت ڤیتامینەكانی (A,D,E)، ئەمە جگە لە تێكچونی چالاكییەكانی غودەی دەرەقی.

 

هۆكارێكی دیكەی حاڵەتەكە بە تایبەت لای ژنان تێكچونی هۆرمۆنی و دووگیان بوون و شیردانی سروشتییە، هەروەها تەواوبونی سوڕی مانگانەی خانمان، ئەمە جگە لەوەی ئەو ژنانەی ماوەیەك حەبی دژە سكپڕی بەكاردەهێنن، دوای وەستاندنی حەبەكە كێشەی قژ ڕووتانەوەیان دەبێت.

 

گۆڤارەكە باسی لەوەكردووە زۆر ڕووتانەوەی قژ بەشێوەیەكی بەردەوام یەكێكە لە نیشانەكانی توشبوون بە نەخۆشی شەكرە، بەو پێیەی نەخۆشییەكە دەبێتە هۆی تێكدانی هۆرمۆنەكان هەروەها كۆئەندامی بەرگیری لەش لاواز دەكات، بەمەش پێستی سەر دەبێتە شوێنێكی لەبار بۆ گەشەی چەند جۆرێكی بەكتریای زیان بەخش بۆ قژ، هەروەها قژ ماددە پێوست و گرنگەكانی بە تاڵەكانی ناگات.

 

پسپۆڕەكان ئاماژەیان بەوەش كردووە گەر هۆكاری ڕووتانەوەی قژ پەیوەندی بە ئەندامێكی لەشەوە نەبێت ئەوە هۆكارەكە دەرونییە، چونكە ترس و دەڵەڕاوكێ و خەمۆكی لەگەڵ شڵەژانی دەرونی كار لە تاڵەكانی قژ دەكات و دەبێتە هۆی لاوازبوون و هەڵەوەرینیان.

 

پێشتریش چەند پزیشكێكی پسپۆڕ داوایان كردبوو لەكاتی ڕووتانەوەی قژدا، بێ وەرگرتنی ڕای پزیشكی پسپۆڕ هیچ جۆرە چارەسەرێك بەكارنەهێنرێت، چونكە بەپێی هۆكاری ڕووتانەوەكە گۆڕانكاری بەسەر جۆری چارەسەرەكەدا دێت.





ئەم هەواڵە 316جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad