English | عربی | Kurdî دواهەواڵ
ڕاستەوخۆ  
 
ترەیلەری فیلمی "نانی پیرۆز" لە فێستیڤاڵی فیلمی "ئیدفا" بڵاوکرایەوە
2020-11-26 [08:01 AM]

ZNA - تاران


توورەج ئەسڵانی بەرهەمهێنەری فیلمی کوردیی "نانی پیرۆز" لە فێستیڤاڵی نێوەدەوڵەتی فیلمی "ئیدفا" گوتی: کەسانی ئەم فیلمە، هێزیی کارن و هیوادارم لە شارە کوردییەکانی سەر سنوور؛ کارخانەکان سازبکرێن و کۆڵبەرەکانیش لەوێ سەرقاڵی کارکردن بن.

 

فیلمی دیکۆمێنتی "نانی پیرۆز" دوایین بەرهەمی سینەماکاری کۆچکردووی کورد رەحیم زەبیحی، لە بەرهەمهێنانی سینەماکاری کورد توورەج ئەسڵانی دەرهێنەر و بەڕێوەبەریی وێنەگرتنی ئەزموونخوازیی سینەمای کوردستان و ئێران و بەرهەمی کۆمپانیای سینەمایی "ماد موڤی" MAD Movie؛ لە یەکەمین بەشداریی نێودەوڵەتی خۆیدا بە نوێنەرایەتی سینەمای ئێران، کاتژمێر 9ی ئەمشەو هەینی 20ی نۆڤەمبەری 2020 بە شێوەی فیزیکی لە سینەما "چاوی 2" و هەروەها لە کاتژمێر 7ی ئێوارێی رۆژی سێشەممە 24ی نۆڤەمبەری 2020 لە بەشی پێشبڕکێی "فیلمە نیوە بڵیندەکان" Mid-Length لە سی و سێیەمین خولی فێستیڤاڵی نێوەدەوڵەتی فیلمی ئەمستردام ـ "ئیدفا" IDFA لە وڵاتی هۆڵەندا نمایشکرا و لە درێژەدا کۆڕیی پرسیار و وڵام بە بەشداریی "توورەج ئەسڵانی" بەرهەمهێنەری ئەم بەرهەمە دیکۆمێنتارییە و خاتوو "ئیلاهە نەوبەخت" بڵاوکردنەوەی نێودەوڵەتی ئەم فیلمە کوردییە لە ئەنتەڕنێتەوە بەڕێوەچوو.  

 

ئەسڵانی بەرهەمهێنەری فیلمی دیکۆمێنتی "نانی پیرۆز" سەبارەت بەم بەرهەمە کوردییە گوتی: ئەم فیلمە ژیان و چەرمەسەرییەکانی کاریی کۆڵبەڕە کوردەکان دەخاتەڕوو کە قۆناغی کار بۆ ئەم وزانە بوونی نییە و ئەوان بەناچار، بۆ بژێویی ژیانی خۆیان ئیشی سەخت و نائەمنی کۆڵبەریان هەڵبژاردووە.

 

گوتیشی: کۆڵبەڕەکان کەسانێکن کە لە شوێنی ژیانی خۆیاندا و لە سنووریی ئێران و هەرێمی کوردستان بە ناچار و بە هۆی نەبوونی دەرفەتی کار، ناچارن کۆڵبەریی بکەن و بارەکانی سەر کۆڵیان لە رێگا دوورودرێژ و ئاستەنگەکان و هەروەها شاخ و کێوەکانی کوردستانی ئێرانەوە بۆ ناو خاکی هەرێمی کوردستان هەڵدەگرن و بۆ بەدەستهێنانی بژێویی ژیانی رۆژانەی خۆیان ئەم کارە چەتوونە ئەنجامدەدەن.  

 

بەرهەمهێنەری فیلمی دیکۆمێنتی "نانی پیرۆز" سەبارەت بە درێژخایاندنی ئەم بەرهەمە کوردییە گوتی: لە سازکردنی بەرهەمە دیکۆمێنتارییەکاندا، هەندێک بابەت هەیە کە دەرهێنەرەکان دەبێت لەگەڵیاندا ژیان بەسەربەرن؛ رەوانشاد رەحیم زەبیحی زیاتر لە 10 ساڵ لەگەڵ ئەم کۆڵبەرانەدا ژیا. هەر بەم هۆیەوە "نانی پیرۆز" یەگجار زۆر باوەڕپێکراوە و هیچ دەستێوەردانێکی تێدانییە و بەڕاستی بەرهەمێکی دیکۆمێنتاریی دێتەئەژمار. لایەنگریشی تیایدا بوونی نییە؛ نە رەش و نە سپی، راستگۆیانە سەبارەت بە سنوور و هەروەها کاریی دژوار و پڕووکێنەریی کۆڵبەری لەگەڵ بینەرەکەی خۆی دەدوێت.      

 

ئەسڵانی لە وڵامی پرسیارێکدا سەبارەت بە روانینی سیاسی لە بواریی سینەمادا گوتی: ئەم فیلمە تا رادەی پێویست قسەی خۆی دەکات؛ بە مەرجێک کە بینەرەکەی بە شێوەی دروست پەیامەکەی خۆی لێوەربگرێت. هێماکان لە "نانی پیرۆز"دا بوونیان هەیە کە پێویست بەوە ناکات من وەکوو بەرهەمهێنەر، ئەوان شیبکەمەوە و بڕوام بە روانینی سیاسی نییە؛ چونکە فەرهەنگ و هونەر، ئەوەندە پلە و پایەی لە سیاسەت بەرزترە کە نابێت لەگەڵ سیاسەت پیسی بکەین. بەڵام کێشە و گیروگرفتەکانی کوردەکان لە هەموو بوارەکاندا دەتوانرێت لە رێگای دەزگا راگەیاندنە جۆراوجۆرەکان و هەروەها تۆڕە کۆمەڵایەتییەکانەوە پێوشوێنی بگرین.   

 

گوتیشی: "نانی پیرۆز" نوێنەریی خەڵکێکە کە ئێمە لەم بەرهەمەدا، ژیانی ئەوان دەبینین و هەڵسەنگاندن بۆ بینەر دەگەڕێتەوە کە ئەم فیلمە دیکۆمێنتارییە دەبینێت. 

 

بەرهەمهێنەری فیلمی دیکۆمێنتی "نانی پیرۆز" سەبارەت بە پێگە و کاریگەریی فێستیڤاڵی نێوەدەوڵەتی فیلمی "ئیدفا" گوتی: بەداخەوە ئێستاکە رەحیم زەبیحی لە نێوانماندا نییە، بۆخۆی دەیزانی فێستیڤاڵی نێوەدەوڵەتی فیلمی "ئیدفا" تا چ رادەیەک ڕووداوێکی گرینگ و پڕبایخە؛ نە بە هۆی وەرگرتنی خەڵات و بەدەستهێنانی ناونیشان و شانازیی، بەڵکوو بەرهەمە دیکۆمێنتارییەکان لەوێدا زۆر بە باشی دەبینتدرێت و بۆ بابەتی لەم چەشنە فریاڕەسی نەتەوە زوڵملێکرا و رەنجەڕۆکانە. چونکە ئەم جۆرە نەتەوانە هەمیشە بەڕاستگۆیی و وزەوە کاردەکەن؛ بەڵام لە شوێنی ژیانی خۆیاندا هیچ دەرفەتکێکی کارکردنیان نییە کە لەوێدا سەرقاڵی کارکردن بن و بەناچار، بۆ بەدەخستنی ژیانی رۆژانەی خۆیان، ئاوارەی کێوەکان بن و هەندێک جاریش بەداخەوە گیانی خۆیان لەسەر کاریی سەخت و بێ بەزەیی کۆڵبەریی بەخت دەکەن.   

 

توورەج ئەسڵانی لە کۆتایی قسەکانیدا جەختی کردەوە: هیوادارم کە ساڵی داهاتوو لە فێستیڤاڵی نێوەدەوڵەتی فیلمی "ئیدفا" فیلمێک لە سنوورەکانی نێوان ئێران و هەرێمی کوردستاندا ببینین کە تیایدا هیچ کەسێک کۆڵبەریی ناکات و ژیانێکی ئاسایی هەیە و خۆشیی ئەوان ببینین. کەسانی ئەم فیلمە هێزیی کارن و هیوادارم لە شارە کوردییەکانی سەر سنوور؛ کارخانەکان سازبکرێن و کۆڵبەرەکانیش لەوێی سەرقاڵی کارکردن بن.

 

"نانی پیرۆز" لە درێژەی نمایشەکانی خۆیدا لە فێستیڤاڵی نێوەدەوڵەتی فیلمی "ئیدفا"، کاتژمێر 21:30 شەویی سێشەمە 30ی نۆڤەمبەری 2020 بە شێوەی ئۆنلاین نمایش دەکرێت و تیزێری ئەم بەرهەمە دیکۆمێنتارییە هاوکات لەگەڵ نمایش لەم ڕووداوە گرینگە سینەماییەدا بڵاوکرایەوە.

 

مەنسوور جیهانی





ئەم هەواڵە 544جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad