English | عربی | Kurdî دواهەواڵ
ڕاستەوخۆ  
 
ووڵاتێكی ئەوروپی چەند ڕۆژێكی تر ڤاكسین دابەش دەكات
2020-11-29 [07:57 AM]

ZNA- هەلێر


بەریتانیا لە چەند رۆژی داهاتوودا یەکەم ڤاکسینی دژەکۆرۆنا پەسنددەکات و دوای پەسندکردنیشی دەست بە دابەشکردنی دەکات.

سەرچاوەیەک بە فاینانشڵ تایمزی راگەیاند: تاوەکو 7ی کانوونی یەکەمی ئەمساڵ کوالێتی کۆنترۆڵی دەرمانی بەریتانیا، ناسراو بە MHRA، ڤاکسینەکەی بایۆنتێک و فایزەر پەسەند دەکات و لە ئێستاوە لەژێر وردبینیدایە بۆ ئەوەی بزانرێت تا چەندە سەلامەتە.

نەخۆشخانەکانی بەریتانیا پێیانگوتراوە خۆیان ئامادەبکەن، چونکە لە ماوەی 10 رۆژدا ڤاکسینیان پێدەگات، هەروەها بەریتانیا 40 ملیۆن ڤاکسینی لە دوو کۆمپانیاکە کڕیوە کە بە هاوبەشی کاردەکەن، ڤاکسینەکە بە دوو جار بە هەرکەسێک دەدرێت، بەو پێیەش بێت بەشی 20 ملیۆن کەس لە بەریتانیا دەکات.

بەریتانیا 355 ملیۆن ڤاکسینی دژەکۆرۆنای لە کۆمپانیاکانی دیکە کڕیوە، 100 ملیۆنی هی کۆمپانیای ئۆکسفۆرد ئاسترازینیکایە.

ڤاکسینەکەی فایزەر/بایۆنتێک 95٪ کاریگەرە، بەڵام هێشتا هەندێک ئاستەنگی تەکنیکیی هەیە، بۆ نموونە دەبێت لە پلەی 70ی ژێر سفری سەدی بگوازرێتەوە و دەبێت لە ماوەی 5 رۆژیشدا بەکاربهێنرێت

ئەم هەواڵەش لە کاتێکدایە، رۆژی شەممە 2020/11/28 بۆریس جۆنسۆن نەدیم زەهاویی وەزیری پەروەردەی پێشووی بەریتانیای وەکو وەزیری دابەشکردنی ڤاکسین دەستنیشان کرد

 

 





ئەم هەواڵە 403جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad