English | عربی | Kurdî دواهەواڵ
ڕاستەوخۆ  
 
تیمی قەیرانەکانی لەناکاو گەیشتە شاری ناسرییە
2020-11-30 [11:14 AM]

ZNA - هه‌ولێر


ئەو لیژنەیەی کە لەسەر ئاستی باڵا لەلایەن سەرۆکوەزیرانی عێراق، مستەفا کازمییەوە لەژێر ناوی (تیمی قەیرانەکانی لەناکاو) بە ئامانجی بەڕێوەبردنی کارگێڕی، دارایی و ئەمنی و پاراستنی خۆپیشاندەران و دامەزراوەکانی دەوڵەت و سامانی تایبەت لە شاری ناسرییە سەنتەری پارێزگای زیقار پێکھێنراوە، گەیشتە شارەکە.

بەپێی راگەیەنراوێکی نووسینگەی سەرۆکوەزیرانی عێراق، مستەفا کازمی تێیدا هاتووه‌، "لە روانگەی پەرۆشیمان بۆ سەپاندنی یاسا، پتەوترکردنی شکۆی دەوڵەت، رووبەڕووبوونەوەی ھەر کەسێک کە ھەوڵی نانەوەی گرژیی لەنێوان رۆڵەکانی عێراق دەدات و ھەڕەشە لە دەوڵەت و دامەزراوەکانی دەکات، بە گرنگمان زانیوە کە بەپێی یاسا، گیانی خۆپیشاندەرە ئاشتیخوازەکان بپارێزێن".

سەرۆکوەزیرانی عێراق، مستەفا کازمی سەبارەت بە پێشھاتەکانی ئەم دواییەی شاری ناسرییە راگەیاندووە کە چارەسەرکردنی رەوشی شاری ناسرییە پێویستی بە ھەڵوێستێکی بەرپرسانەی ھەموو ئاستەکان ھەیە و گوتی، بۆ ئەو مەبەستەیش لیژنەیەکی باڵامان لەژێر ناوی (تیمی قەیرانەکان لەناکاو) بەئامانجی بەڕێوەبردنی کارگێری، دارایی و ئەمنی پێدەدرێت بۆ پاراستنی خۆپیشاندەرە ئاشتیخوازەکان و دامەزراوەکانی دەوڵەت و سامانی تایبەت لە شاری ناسرییە، پێکھێناوە.

مستەفا کازمی باسی لەوەشکردووە، ئەرکی لیژنەی (تیمی قەیرانەکانی لەناکاو) ئەوەیە، رووبەڕووی ھەموو ئەو کەسانە ببێتەوە کە ھەوڵ دەدەن خۆپیشاندەرە ئاشتیخوازەکان و دەوڵەت، بەگژ یەکدا بکەن.

 

aa





ئەم هەواڵە 319جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad