English | عربی | Kurdî دواهەواڵ
ڕاستەوخۆ  
 
په‌رله‌مانی كوردستان رۆژی چوارشه‌مه‌ی داهاتوو كۆنابێته‌وه‌
2020-11-30 [03:30 AM]

ZNA - هه‌ولێر


 

به‌ مه‌به‌ستی ئاماده‌بوونی شاندی دانووستانكاری هه‌رێم و لایه‌نه‌ په‌یوه‌ندیداره‌كانی حكومه‌ت له‌ دانیشتنی داهاتووی په‌رله‌مانی كوردستاندا، ده‌سته‌ی سه‌رۆكایه‌تی په‌رله‌مانی كوردستان رایگه‌یاند، بڕیار دراوه‌، دانیشتنی چوارشه‌ممه‌ی ئه‌م هه‌فته‌یه‌ بۆ كاتێكی دیكه‌ دوابخرێت.

بڕیار بوو، رۆژی چوارشه‌ممه‌ (2ی كانوونی یه‌كه‌م/ دیسه‌مبه‌ری 2020)، په‌رله‌مانی كوردستان دانیشتنی ژماره‌ (12)ـی ئاسایی خۆی به‌ڕێوه‌به‌رێت.

له‌ باره‌ی دواخستنی دانیشتنه‌كه‌وه‌، سكرتێری په‌رله‌مانی كوردستان، "مونا قاوه‌چی" رایگه‌یاند، "ده‌سته‌ی سه‌رۆكایه‌تی په‌رله‌مان نووسراوى ئاماده‌كردووه‌ و ئاراسته‌ی سه‌رۆكایه‌تی ئه‌نجوومه‌نی وه‌زیرانی هه‌رێمی كوردستان ده‌كرێت و تێیدا داوا له‌ شاندی دانوستانكارى هه‌رێم و لایه‌نی په‌یوه‌ندیدارى حكومه‌تی هه‌رێم ده‌كرێت، له‌دانیشتنێكی تایبه‌تی په‌رله‌مانی كوردستان ئاماده‌بن".

روونیشیكرده‌وه‌، مه‌به‌ستیان له‌ ئاماده‌بوونی نوێنه‌رانی حكومه‌ت له‌ دانیشتنه‌كه‌دا، "گفتوگۆكردنه‌ له‌سه‌ر پرسی مووچه، شایسته‌ داراییه‌كانی هه‌رێم، ره‌وشی گفتوگۆكان له‌گه‌ڵ حكومه‌تی فیدراڵ و پلان و ئاماده‌كارییه‌كانی حكومه‌تی هه‌رێم بۆ هه‌موو ئه‌گه‌ره‌كانی په‌یوه‌ست به‌ ره‌‌وشی دارایی هه‌رێمی كوردستانه‌".





ئەم هەواڵە 487جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad