English | عربی | Kurdî دواهەواڵ
ڕاستەوخۆ  
 
پاسەوانانی سنووری عێراق و ئێران لە حاجی ئۆمەران کۆبوونەوە
2020-12-01 [08:48 AM]

ZNA-هەولێر


شاندێکی پاسەوانی سنووری عێراق لەگەڵ شاندێکی پاسەوانی سنووری ئازەربایجانی غەربی (پارێزگای ورمێ) ئەمڕۆ لە دەروازەی نێودەوڵەتیی حاجی ئۆمەران لە هەرێمی کوردستان کۆبوونەوە.

شاندی پاسەوانی سنووری عێراقی 13 کەسن و عەمیدی مافپەروەر حەمماد فازڵ دزەیی سەرۆکایەتییان دەکات. سەرۆکی شاندی کۆماری ئیسلامیی ئێرانیش کە لە 15 کەس پێکهاتوون، عەمیدی دووەم، یەحیا حوسێنخانییە.

بابەتی کۆبوونەوەی هەردوو شاندەکە؛ ئاسایشی سنووری ئێران و هەرێمی کوردستانە، بە دروستیش ئەو ناوچە سنوورییانەی دەکەونە سنووری پارێزگای هەولێر لە دەروازەی نێودەوڵەتیی حاجی ئۆمەران و سنووری سیدەکان.

پاسەوانی سنووری عێراق سەر بە وەزارەتی ناوخۆی عێراقە و ئەرکی پاراستنی ناوچە سنوورییەکانی لەئەستۆیە، هەروەها شاندە ئێرانییەکەش تایبەتن بە پاراستنی ئاسایشی سنوور لە سنووری ئازەربایجانی غەربی.

ئازەربایجانی غەربی کە پارێزگای ورمێیە، یەکێکە لە پارێزگا گەورەکانی رۆژهەڵاتی کوردستان و، هاوسنوورە لەگەڵ هەریەک لە پارێزگاکانی هەولێر و بەشێکی پارێزگای سلێمانی.





ئەم هەواڵە 535جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad