English | عربی | Kurdî دواهەواڵ
ڕاستەوخۆ  
 
ئەو خۆراکانەی زیانیان بۆ پێست هەیە
2020-12-05 [03:03 AM]

ZNA ــ هەولێر


پسپۆڕانی تەندروستی بەردەوام توێژینەوەی جیاواز لەسەر كاریگەری خۆراكە جیاوازەكان ئەنجام دەدەن، لەو ڕێگایەوە بۆیان دەردەكەوێت ئەو خواردن و خوردنەوانەی ڕۆژانە بەكاریان دەبەین سود و زیانەكانی چییە لەسەر جەستە.

 
لەو چوارچێوەیەدا و بەپێی ئەنجامی چەند توێژینەوەیەك ئاشكرابووە چەند خۆراكێك هەیە زیانیان بۆ پێست هەیە و هۆكارن بۆ دروستبونی پەڵە و زیپكە، بۆیە باشترە بەبڕێكی كەم و دیاركراو بخورێن و بخورێنەوە.

1- كافەین: ئەو خواردنەوانەی بڕێكی زۆر ماددەی كافەینی تێدایە زیان بە پێست دەگەیەنن و دەبنە هۆی وشك بونەوەی پێست، بۆیە پسپۆڕانی بواری پێست داوای دووركەوتنەوە دەكەن لە زۆر خواردنەوەی چا و قاوە، هەروەها خواردنەوە ووزە بەخش و گازییەكان، لەگەڵ خواردنی نەستەلە بەڕێژەیەكی زۆر.

 

2- شەكر: توێژینەوە پزیشكیەكان ئاماژە بەوە دەكەن،خواردنی شەكر و شیرینی دەبێتە هۆی هەوكردنی پێست و زیان گەیاندن بە خانەكان، هەروەها هۆكارە بۆ دەركەوتن و دروستبونی زیپكە،بۆیە پێویستە خواردنی كەمبكرێتەوە.

 

3-خۆراكە لەقوتونراوەكان: بەهۆی بونی بڕێكی زۆر لە چەوری و كاربۆهیدرات لە پێكهاتەكەیاندا، هۆكارن بۆ هەوكردنی پێست و دروستبونی زیپكە، دووركەوتنەوەش لە خواردنی خۆراكی لەقوتونراو دەبێتە هۆی بونی پێستێكی تەندروست و گەش و جوان.

 

4- خواردنە چەورەكان: خواردنی ئەو خۆراكانەی بڕێكی زۆر چەوری لە پێكهاتەكەیاندا هەیە یاخود ڕۆنێكی زۆر لە دروست كردنیاندا بەكاردەهێنرێت،دەبێتە هۆی زیادكردنی ڕێژەی هۆرمۆن و دەردراوەكانی پێست، ئەوەش هۆكارێكی سەرەكییە بۆ دروستبونی زیپكە، دیارترین ئەو خۆراكانەش كە ئەو زیانەیان هەیە بریتین لە خواردنە سورەوەكراوەكان بەیاریكراویش پەتاتەی سورەوەكراو.





ئەم هەواڵە 313جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad